16.11.2009 / 17:03

Моладзевая ініцыятыва: «У Беларусі трэба пабудаваць скейт‑парк» 2

Беларускія аматары экстрэмальных відаў спорту размясцілі на сваім сайце park.bmx.by петыцыю з заклікам стварыць у Беларусі скейт-парк.

У нашай краіне пабудавана вялікая колькасць спартыўных комплексаў і устаноў, зазначаюць аўтары звароту, а

днак для экстрэмальных відаў спорту, такіх як bmx, скейт, ролікі і інш., гэтыя комплексы не пасуюць.

«Моладзь вымушана трэніравацца і дэманстраваць сваё майстэрства проста на вуліцы. Тым самым яны не толькі псуюць гранітную плітку, але і рызыкуюць жыццём. Бо ў экстрэмальных відах спорту любы каменьчык пад коламі ролікаў можа стаць прычынай траўмы.

У бліжэйшых да Беларусі краінах існуюць спецыяльныя паркі для экстрэмальных відаў спорту, дзе можна ў адмысловых умовах вучыцца і адточваць сваё майстэрства.
У Беларусі такой пляцоўкі пакуль няма», - падрэсліваюць аўтары звароту.

Менавіта з гэтай прычыны маладыя людзі прапануюць усім, каго хвалюе гэтая праблема запоўніць форму петыцыі, якая заклікае да будаўніцтва першага ў Беларусі скейт-парку.

Настасся Шамрэй

0
More Air / Адказаць
16.11.2009 / 19:48
Чаму толькі аднаго? Падаткаў, падлеткаў і месца хапае на такі парк у кожным вялікім горадзе.
0
Mikola / Адказаць
16.11.2009 / 20:03
Jak u Mensku mesca nima ? U parku nasuprat pl.Bangalor dobraie mesca.
Каб пакінуць каментар, калі ласка, актывуйце JavaScript у наладах свайго браўзеру