24.11.2009 / 16:22

Часткова адменяць абавязковае дэклараванне грашовых пераводаў з‑за мяжы

У Беларусі можа быць часткова адменена абавязковае дэклараванне грашовых пераводаў з‑за мяжы.

Пра гэта паведаміла намеснік міністра па падатках і зборах Ларыса Кандратава, адказваючы 24 лістапада ў Мінску на пытанні журналістаў.

«Цяпер гучаць прэтэнзіі ад насельніцтва, асабліва ад пенсіянераў, якія атрымліваюць грашовым пераводам нязначныя сумы. Часта яны нават не ведаюць, што іх трэба дэклараваць.

Думаю, з нязначнай сумы падатак можна не збіраць», — сказала яна.

Кандратава паведаміла, што плануецца вызначыць найбольшую суму грашовых пераводаў, якую можна атрымаць на працягу года без абавязковага дэкларавання і выплаты падаткаў. Паводле яе слоў, «гэта будзе лічба з трыма нулямі».

Каб пакінуць каментар, калі ласка, актывуйце JavaScript у наладах свайго браўзеру