На выніковым турніры Асацыяцыі тэнісістаў-прафесіяналаў (АТР) у Лондане ў пятніцу праходзяць апошнія сустрэчы папярэдняга раўнду.
У парным разрадзе беларуска-ізраільскі дуэт Максім Мірны і Эндзі Рам у заключным матчы групы В сустракаліся з Леандра Паесам (Індыя) і чэхам Лукашам Длоўхім.
Упарты паядынак завяршыўся перамогай Мірнага і Рама ў двух сэтах – 7:6, 6:4, якія выйшлі ў паўфінал.
Раней у гэтай групе пуцёўку ў паўфінал датэрмінова забяспечыла сабе пара Лукаш Кубат (Польшча) – Аліўе Марак (Аўстрыя), якая сёння ўвечары сустрэнецца з амерыканцамі Бобам і Майкам Браянам.
З групы А ў паўфінальную стадыю выйшлі два інтэрнацыянальныя дуэты: Махеш Бхупаці (Індыя) – Марк Ноўлз (Багамскія выспы) і Францішак Чэрмак (Чэхія) – Міхал Мерціняк (Славакія).
Паўфінальныя сустрэчы адбудуцца 28 лістапада, а фіналы – 29 лістапада.
0
0
0
0
0
0
