Форвард «Барселоны» і зборнай Аргенціны Ліянэль Месі стаў уладальнікам «Залатога мяча» — прыза, які штогод уручае часопіс France Football найлепшаму футбалісту ў Еўропе.
Ліянэль Месі, фота daylife.com
У апытанні журналістаў 22‑гадовы форвард набраў 473 балы з 480 магчымых, значна апярэдзіўшы партугальца Крышціяну Раналду з «Рэала» (233), а таксама сваіх аднаклубнікаў Хаві (170) і Андрэса Ін’есту (149).
«Я ведаў, што з’яўляюся адным з фаварытаў у барацьбе за ганаровы тытул. »Залаты мяч « — вельмі важная ўзнагарода для мяне. Кожны, хто браў яе, з’яўляецца вялікім футбалістам. А многім выдатным гульцам не ўдавалася стаць уладальнікам гэтага прыза. Прысвячаю перамогу сваёй сям’і, родным і блізкім. Яны заўсёды падтрымлівалі мяне ў тыя хвіліны, калі гэта было мне неабходна «, — прыводзіць AP слова Месі.
0
0
0
0
0
0
