05.12.2009 / 16:37

Леанід Козік адказаў адлічанай з універсітэта Таццяне Шапуцька 19

З кантэксту ясна вынікае: разлічваць на падтрымку старшыні ФПБ дакладна не варта.

На сайце Федэрацыі прафсаюзаў з'явіўся каментар старшыні ФПБ з нагоды адлічэння з універсітэта студэнткі II курса, прэс-сакратара міжнароднай моладзевай арганізацыі «Малады фронт» Таццяны Шапуцька. Лідэр прафсаюзаў палічыў гэта «класічным жыццёвым выпадкам».

«За час, што мінуў пасля завяршэння Форума ў Брусэлі, я наслухаўся шмат чаго, у тым ліку і прамых чутак і казак пра маніфестацыі і вылучэнні, – цытуе словы Леаніда Козіка сайт ФПБ. – Зрэшты, для публікі, якая распаўсюджвае такога роду інфармацыю гэта звычайная справа – гэта іх заробак».

Адзначым, што каментар Леаніда Козіка з'явіўся на сайце толькі пасля шматлікіх патрабаванняў журналістаў растлумачыць сітуацыю. Як вядома, кіраўнік ФПБ яшчэ ў Брусэлі паабяцаў у выпадку адлічэння Таццяны Шапуцька з ВНУ персанальна арганізаваць маніфестацыю ў цэнтры Менска. 3 снежня адміністрацыя юрыдычнага факультэта Беларускага дзяржаўнага універсітэта паведаміла актывістцы, што яна адлічаная, аднак ніякіх дзеянняў па яе абароне ФПБ не распачала.

Больш за тое ў Федэрацыі наадрэз адмаўляліся каментаваць гэтую сітуацыю: прэс-сакратар Вольга Зуёнак кідала слухаўку, а тэлефон лідэра ФПБ не адказваў.

Выключаная з ВНУ Таццяна Шапуцька ўжо напрамую збіралася звярнуцца да Леаніда Козіка па абяцаную дапамогу, як на сайце прафсаюзаў з'явіўся яго адказ.

Праўда, з кантэксту ясна вынікае: разлічваць на падтрымку старшыні ўжо дакладна не варта.

«Што тычыцца Таццяны Шапуцька, то гэта класічны жыццёвы выпадак, – адзначае Леанід Козік. – Калі яна адлічаная з універсітэта за тое, што брала ўдзел у працы Форума, то гэта не адпавядае заканадаўству Рэспублікі Беларусь.

Калі ж яна адлічана за тое, што яна без дазволу адміністрацыі прагуляла заняткі і не наведвала ВНУ, то адміністрацыя мае права ўжыць дзеючыя ў ВНУ правілы.

Калі б якой-небудзь супрацоўнік ўстановы ЕС не прыходзіў на службу, то, упэўнены, ён быў бы звольнены адразу ж. Форум цалкам прайшоў бы з такімі ж вынікамі па-за залежнасці ад таго, была б там Таццяна Шапуцька ці не».

Сапраўды «класічны жыццёвы выпадак»: у Брусэлі чыноўнікі ФПБ кажуць адно, а тут, у Беларусі, ужо зусім іншае.

0
Крывіч / Адказаць
05.12.2009 / 17:02
Цікава, а сам абаронца пралетарыяту адгулы браў на гэтыя дні калі ён ездзіў у Бруссэль, ці можа гэта праца яго ў ролі палітмасоўшчыка, хто адкажа?
0
Беларуска з Рыгі / Адказаць
05.12.2009 / 17:05
Няўжо нехта ўсур'ёз успрымаў словы Козіка аб тым, што ён арганізуе нейкую маніфестацыю у падтрымку маладафронтаўкі? Як я разумею, ён таксама, пэўна, не разлічваў, што яе сапраўды за гэта ды ў час так званай лібералізацыі ды збліжэння з Еўропаю адлічаць. Але адна справа - словы, ды яшчэ калі падзецца няма куды ў такіх абставінах, дзе трэба нешта адказаць, а іншая справа - страціць пасаду. Спадзявацца на дапамогу Козіка ў гэтым выпадку - ну проста несур'ёзна. НЕ ТАЯ Ў НАС ПАКУЛЬ КРАІНА, І НЕ ТАЯ ЎЛАДА, КАБ ЧАЛАВЕК З ТАКОЙ ПАСАДАЙ АДКАЗВАЎ ЗА СВАЕ СЛОВЫ. ДАЛЁКА БЕЛАРУСІ ШЧЭ ДА ЦЫВІЛІЗАВАНАГА ЕЎРАЗВЯЗУ.
0
Міхаліна / Адказаць
05.12.2009 / 17:17
Быццам бы і без адказу Таццяне не было зразумела, што такое Козік.
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру