05.12.2009 / 22:52

Трыумф Вайцюшкевіча на «Зорным рынгу»: «Я нарадзіўся тут» 10

Лідэр WZ-Orkiestra перамог у інтэрактыўным шоу тэлеканала СТВ экс-вакаліста ВІА «Синяя птица» Аляксандра Звяровіча.

Лідэр WZ-Orkiestra перамог у інтэрактыўным шоу тэлеканала СТВ экс-вакаліста ВІА «Синяя птица» Аляксандра Звяровіча.

5 снежня на канале СТВ на «Зорным рынгу» сышліся Зміцер Вайцюшкевіч і Аляксандр Звяровіч, экс-вакаліст ВІА «Синяя птица».

Зміцер Вайцюшкевіч выйшаў супраць гурта свайго суперніка адзін. На рынгу трымаўся нязмушана, нібы гэта і не запіс на дзяржаўным тэлеканале, а выступленне дзе-небудзь на гарадской сцэне Львова ў часе чарговага фэсту «Be Free».

Спяваючы «Я нарадзіўся тут», Зміцер зрабіў заўважны акцэнт на словах пра «белыя і чырвоныя кветкі». Каментатары шоу, якія час ад часу з'яўляліся ў кадры, пры гэтым эмацыйна падкрэслілі: «Наш чалавек, наш!»
Большасць пытанняў Вайцюшкевічу задавалі па-беларуску, на беларускай мове было пазначанае ягонае імя побач з нумарам тэлефону для галасавання. Зміцер, натуральна, размаўляў на роднай мове.

Аляксандра Звяровіча не менш цёпла віталі на сцэне. Шмат хто з слухачоў прыгадваў пры гэтым пра сваю маладосць. Аднак вынікі галасавання зафіксавалі ўпэўненую перамогу лідэра WZ-Orkiestra: 5364 галасоў супраць 3943.

***

12 снежня ў суботу на «Зорным рынгу» сыдуцца «Крама» і расійская спявачка Лаліта Міляўская. Прагаласаваць можна будзе ў дзень эфіру па адмысловых нумарах (тэлефанаванне бясплатнае), а таксама на сайце СТВ. Пачатак у 20:10.

СП

0
Сыноптык / Адказаць
05.12.2009 / 23:22
Нялёгкі выбар. Як па мне дык Лаліта стараватая, але цыцкі мае нічога. Для НН гэта тэма культавая. Але Варашкевіч наш!!!
0
vege / Адказаць
06.12.2009 / 00:48
Здаецца ў Расеі крызіс квітнее, што нават Лаліта прыкоўзалася сюды
0
val\'zhyna / Адказаць
06.12.2009 / 02:23
Упершыню давялося пабачыць перадачу цалкам. Уражаньні былі наступныя: 1)Хе, на вядоўцаў без шкадаваньня нельга было глядзець. І дзе толькі такіх падбіраюць... 2)\"Аляксандра Звяровіча не менш цёпла віталі на сцэне.\" ??? нешта, відаць, усё ж прапусьціла. 3)Што да тых \"дзевачак\", хто задаваў пытаньні Зьмітру, то адразу было зразумела дзе падбіралі іх... Некаторыя да гэтай перадачы нават ня ведалі, хто такі Вайцюшкевіч, але ж раптам сталіся тааааакіііііііімііііііі знаўцамі асабістага жыцьця сьпевака... Зьмітруку, вядома, - рэспэкт. Годна выйшаў з усіх складаных сытуацыяў. 4)Вайцюшкевіч пачынаў сьпяваць першы, але чамусьці адразу па заканчэньні ягонай першай песьні за Зьвяровіча ўжо было пададзена больш за 30 галасоў. Цікава, чалавек яшчэ не сьпяваў, нават рота не расчыніў, а ўжо быў \"...за понравівшегося вам ісполнітеля\"... Пятая калёна працуе... 5)Здаецца, што з такім вялізарным адрывам не перамагаў яшчэ ніхто. І гэта добры знак. ВІНШАВАНЬНІ ЗЬМІЦЕРУ!!! Безумоўна, што пасьля другой песьні (а гэта была \"Я нарадзіўся тут\") хацелася пачуць \"Дзе мой край\" на верш Ул.Караткевіча. Але ж... Ну, нічога, ДАЧАКАЕМСЯ!!!
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру