«Я не чакаю, што на чарговых прэзідэнцкіх выбарах будзе шмат кандыдатаў»,
— заявіла старшыня Цэнтрвыбаркама Лідзія Ярмошына, адказваючы 11 снежня на пытанні журналістаў.
Яна паведаміла, што ў 1994 годзе з 19 прэтэндэнтаў кандыдатамі ў прэзідэнты было зарэгістравана шэсць, у 2001 годзе — чатыры з 26, у 2006 годзе — чатыры з дзевяці.
«Не думаю, што нешта зменіцца за апошні год і кандыдатаў стане больш», — сказала Ярмошына.
Пры гэтым яна адзначыла, што «не вітала б вялікую колькасць кандыдатаў». «Спадзяюся, менш у параўнанні з мінулымі кампаніямі іх не стане. Але калі іх будзе шмат, насельніцтву будзе цяжэй арыентавацца ў іх адрозненнях.
Гэта створыць напружаную сітуацыю ў краіне», — лічыць кіраўнік Цэнтрвыбаркама.
Ярмошына таксама падкрэсліла, што большая колькасць прэтэндэнтаў наўрад ці зможа пераадолець бар’ер у 100 тыс. сабраных подпісаў.
0
0
0
0
0
0
