21.12.2009 / 13:32

У Мінску знаходзіцца дэлегацыя Парламенцкай асамблеі АБСЕ 3

Дзве гадзіны цягнулася сёння сустрэча дэлегацыі з прадстаўнікамі палітычнай апазіцыі.

Дзве гадзіны цягнулася сёння сустрэча дэлегацыі спецыяльнай рабочай групы па Беларусі Парламенцкай асамблеі АБСЕ, якая знаходзіцца з візітам у Мінску, з прадстаўнікамі палітычнай апазіцыі.

Ачольвае дэлегацыю дэпутатка са Швецыі баранэса Сэсілія Вігстрам. Разам з ёй знаходзяцца яшчэ два чальцы групы: з Польшчы і Італіі.

Апазіцыю на сустрэчы прадстаўлялі Юрась Губарэвіч, Зміцер Дашкевіч, Аляксандр Казулін, Сяргей Калякін, Анатоль Лябедзька, Анатоль Ляўковіч, Віталь Рымашэўскі.

На агульную думку, сустрэча атрымалася «канструктыўнай, з элементамі крытычнага дыялогу».

Пачаткам дыскусіі стала прапанова апазіцыі падсумаваць вынікі той стратэгіі, якой Парламенцкая асамблея АБСЕ пачала прытрымлівацца з 2000 года. Менавіта тады ПА АБСЕ прызнала Нацыянальны сход Беларусі паўнавартасным парламентам. Мэта выглядала абнадзейваючай – навучыць беларускіх дэпутатаў дэмакратыі. Але, як падкрэслівалі апазіцыянеры, найбольш жорсткае рэпрэсіўнае заканадаўства было прынятае Нацыянальным сходам як раз падчас гэтага навучання. І таму, на думку гаспадароў сустрэчы, ПА АБСЕ патрэбна ўносіць карэктывы ў гэту стратэгію.

Сёння дэлегацыя з Вены наведае таксама Міністэрства юстыцыі, Палату прадстаўнікоў і Цэнтральную выбарчую камісію.

Наведванне Міністэрства замежных спраў і выніковая прэс-канферэнцыя адбудуцца заўтра ў першай палове дня.

0
случайный прохожий / Адказаць
21.12.2009 / 14:36
"Мэта выглядала абнадзейваючай – навучыць беларускіх дэпутатаў дэмакратыі." Вообще-то в парламенте с тех пор три поколения депутатов смелилось. Кто-то слишком рьяно училсся демократии. Ну и где эти отличники теперь? Где пловец? Где бизнесмен? Где военный? Ах, да: последний покаялся и теперь осваивает союзный космос. :)
0
bL8dy_R8ts / Адказаць
21.12.2009 / 15:02
А што гэта за "палітычная апазіцыя" такая? Лябецька? Рымашэўскі?
0
Дрынько / Адказаць
21.12.2009 / 16:15
Цікавыя "прадстаўнікі" цікавай "пазіцыі". Пытанне каго і ШТО яны прадстаўляюць? Ну з Казуліным і Лябедзькай зразумела, а астатнія...пшык не болей. Асабліва цікава прысутнасьць Губарэвіча ды ЛЯўковіча. ...
Каб пакінуць каментар, калі ласка, актывуйце JavaScript у наладах свайго браўзеру