21.12.2009 / 15:44

Аватар: Фіялетавая містыка Джэймса Кэмерана Яшчэ раз пра новы фільм 3

Рапярэдняя карціна Кэмерана, «Тытанік», адрадзіла беларускі кінапракат. «Аватар» надасць яму 3D вымярэнне.

posterАватар (Avatar)
ЗША, 2009, каляровы, 162 хв.
Рэжысёр: Джэймс Кэмеран
Ролі выконваюць: Сэм Ўортынгтан, Зоі Салдана, Сігурні Ўівэр, Стывэн Лэнг, Мішэль Радрыгес, Джавані Рыбізі
Жанр: Фантастычныя прыгоды
Адзнака: 6,5 (з 10)

Марскі пехацінец Джэк Салі адпраўляецца на планету Пандора, дзе людзі здабываюць каштоўныя мінералы. З дапамогай адмысловага цела, аватара, створанага з ДНК чалавека і мясцовых тубыльцаў герой мусіць увайсці ў давер да племені На’ві. Паміж зямлянамі і пандорцамі выспявае канфлікт: сквапныя карпарацыі прагнуць здабываць мінералы, нягледзячы ні на што. Джэк Салі — ключавая фігура ў гульні.

Карціна Джэймса Кэмерана — трыумф тэхналогій. Рэжысёр колькі гадоў не браўся за здымкі, пакуль кампутарнае мастацтва не дазволіла напоўніцу ўвасобіць задуманае. Ад гэтага пацярпеў сюжэт, які здаецца занадта пралічаным.

Але ў выбітнага галівудскага казачніка — абсалютна завершаны і самадастатковы фантастычны свет.

Сігурні Ўівэр — з аватарам у саколцы Стэнфардскага універсітэту — вельмі пасуе ільвіны нос, а гульня ейнага кампутарнага цела не саступае жывым кадрам з самой актрысай. Акторам чаплялі датчыкі, што адлічбоўвалі іхняе цела.

Фіялетавыя жыхары планеты, светлавыя дрэвы, драпежнікі з мноствам вачэй, паветраныя рэптыліі-коні.

Зрэшты, папярэдняя карціна Кэмерана «Тытанік» — адрадзіла беларускі кінапракат. «Аватар» надасць яму 3D вымярэнне.

Але карціна Кэмерана мае не толькі тэхналагічнае, але і шаманска-экалагічнае значэнне. Вобраз планеты, якой моляцца — і якая абараняе сама сябе — гэта «Салярыс» на новы лад, першабытная паганская вера і сцяг новых экалагічных рухаў.

Хаця сацыяльна-крытычныя моманты небяспечную пантэістычную містыку пераважваюць.

Закіды супраць імперыялістычнае сквапнасці, як заўжды ў Кэмерана, запакаваныя ў супертэхналагічную шматмільённую абгортку ашаламляльнага і найноўшага відовішча ХХІ стагоддзя.

Кінатэрміны

Кінападзеі

Усе фільмы

Кінатворцы

0
Сяргей Балахонаў / Адказаць
21.12.2009 / 19:53
Застаецца паверыць у добранькіх іншапланетнікаў і ў тое, што за Сэднай дэкарацыі нашага сусвету не сканчаюцца.
0
rasinski - Балахонаву / Адказаць
21.12.2009 / 22:22
Кэмеран ужо здымаў фільм пра "добрых іншапланетнікаў" - дакладней, пра "добрых падводных іншапланетнікаў" - "Бездань" - так што "Аватар" у нейкай ступені працяг усё тых жа інтэнцый. Фіялетава-пантэістычны экалагісцкі культ.
0
ВК / Адказаць
22.12.2009 / 12:35
Фільм-мара!..
Каб пакінуць каментар, калі ласка, актывуйце JavaScript у наладах свайго браўзеру