24.12.2009 / 13:18

Збіў пешахода і адвёз паміраць у лагчыне 7

Па сцэнары трылера разгортвалася дарожнае здарэнне ў Гродне.

Па сцэнары трылера разгортвалася дарожнае здарэнне ў Гродне.

Здарэнне адбылася ў ноч з на суботу 19 снежня паблізу на вуліцы Паповіча ў Гродне. Гродзенец, што ехаў на аўтамашыне «Рэно Эспэйс», збіў мужчыну, які пераходзіў вуліцу па-за пешаходным пераходам. Ад моцнага ўдару небарака страціў прытомнасць.

Кіроўца спыніўся, але замест таго, каб аказаць дапамогу, загрузіў пацярпелага ў мінівэн і паехаў шукаць месца, дзе можна было б пазбавіцца ад «непатрэбнага грузу». На вуліцы Чырвонапартызанскай ён выкінуў чалавека ў лагчыну і паехаў у лясны масіў паблізу вёскі Каралін, дзе, папярэдне зняўшы з аўтамабіля рэгістрацыйныя знакі, пакінуў непатрэбную ўліку.

Пацярпелага пешахода знайшоў а 7-й раніцы выпадковы мінак, які выклікаў хуткую дапамогу і ў літаральным сэнсе выратаваў яго жыццё. У шпіталі, прыйшоўшы ў сябе, пацыент нічога не мог растлумачыць наконт атрыманых ім цялесных пашкоджанняў.

Амаль тыдзень спатрэбілася супрацоўнікам аддзела аператыўнага рэагавання і вышуку ДАІ УУС аблвыканкама, каб знайсці кіроўцу. Дапамог у гэтым сведка ДТЗ. Ён бачыў, як вадзіцель «Рэно» грузіў цела ў свой аўтамабіль. Неўзабаве знайшлі само аўто і кіроўцу. Распачатая крымінальная справа паводле арт. 159 КК (пакіданне ў небяспецы).

Паводле «Вечерний Гродно»

0
Mikola / Адказаць
24.12.2009 / 13:50
treba iago samoga u les zavesti...
0
Dzjadulja / Адказаць
24.12.2009 / 17:29
Дзікунства!
0
Кнехт / Адказаць
24.12.2009 / 18:49
У гэтым дарожным здарэнні можна адшукаць і станоўчы момант - пацярпелы быў прыбраны толькі з месца здарэння, а не з жыцця (барані Бог!). У стрэсавыя моманты ў некаторых? нашых грамадзян спрацоўваюць інстынкты самазахавання, а не "любові да бліжняга". Каб было наадварот, патрэбна многа працаваць над сабою...
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру