У Англіі, акрамя ёлкі, дом ўпрыгожваецца галінкамі амялы. Галінкі гэтай расліны вешаюць на жырандолях і, паводле звычаю, можна пацалаваць чалавека, які стіць у цэнтры пакоя пад букецікам амялы.
У Італіі пад Новы год прынята пазбаўляцца ад старых рэчаў.
У Францыі Дзед Мароз – Пер Ноэль – прыходзіць у навагоднюю ноч і пакідае падарункі ў дзіцячых чаравіках. Той, каму дастаецца боб, запечаны ў навагодні пірог, атрымлівае тытул «бабовага караля» і ў святочную ноч ўсе падпарадкоўваюцца яго загадам.
У Швецыі перад Новым годам дзеці выбіраюць каралеву святла Люцыю. Яе апранаюць у белую сукенку. Люцыя прыносіць падарункі дзецям і ласункі хатнім жывёлам: кату – вяршкі, сабаку – цукровыя костачкі, аслу – моркву.
Весела сустракаюць Новы год у Балгарыі. Калі людзі збіраюцца ля святочнага стала, ва ўсіх дамах на тры хвіліны гасіцца святло. Гэтыя хвіліны называюць «хвілінамі навагодніх пацалункаў», таямніцу якіх захоўвае цемра.
У Калумбіі галоўны герой навагодняга карнавалу – Стары год – разгульвае на высокіх хадулях і распавядае дзецям смешныя гісторыі.
На Кубе перад надыходам Новага года напаўняюць ўсе гарлачы, вёдры і міскі вадой, а апоўначы ваду выліваюць з вокнаў. Так сыходзячаму году жадаюць светлага, як вада, шляху. Пакуль гадзіннікі б'юць 12 разоў, неабходна з'есці 12 вінаградзін і тады дабро, згода, росквіт і святло будуць суправаджаць чалавека ўвесь год.
У Мексіцы Новы год сустракаюць агнём святочных феерверкаў, стральбой з ракетніц, звонам асаблівых навагодніх званочкаў. А дзецям апоўначы ўручаюць смачныя пернікавыя лялькі.
У Японіі ў навагоднюю ноч 108 разоў звоняць у званы. Кожны ўдар звана адпавядае аднаму з парокаў. Усяго іх шэсць: скупасць, глупства, злосць, легкадумнасць, нерашучасць і зайздрасць, аднак у кожнай заганы ёсць 18 розных адценняў, што ў суме і складае 108 удараў.
У Турцыі, нягледзячы на тое, што гэта мусульманская краіна, многія сям'і адзначаюць новы год па хрысціянскім календары і весяляцца разам з турэцкім аналагам Санта Клауса, імя якога ў Турцыі – Наэль Баба. Мусульманскае духавенства вельмі крытычна ставіцца да такіх святкаванняў.