Пра гэта заявіла агенцтву «Інтэрфакс» крыніца, блізкая да беларуска-расійскіх нафтавых перамоваў.
У беларускай адміністрацыі лічаць бессэнсоўным удзел Беларусі ў Мытным саюзе з Расіяй і Казахстанам у выпадку захавання расійскіх экспартных мытаў на нафту для Беларусі. Пра гэта заявіла агенцтву «Інтэрфакс» крыніца, блізкая да беларуска-расійскіх нафтавых перамоваў.
«Вывад гандлю нафтай за межы канфігурацыі Мытнага саюза стварае небяспечны прэцэдэнт. За гэтым можа пайсці заданне аналагічным чынам зрабіць з газам, электраэнэргіяй, а, магчыма, і з іншымі, ужо не сыравіннымі, таварамі», — мяркуе прадстаўнік органаў дзяржаўнага кіравання Беларусі.
Новыя падыходы Расіі да гандлю нафтай з Беларуссю «сур’ёзна падрываюць узгодненую канструкцыю Мытнага саюза», — заявіў беларускі чыноўнік і апеляваў да прэзідэнта Расіі.
«У такім саюзе Беларусь для сябе перспектывы не бачыць. Калі ў каго былі ілюзіі, што можна збудаваць Мытны саюз і Адзіную эканамічную прастору, дзе партнёры па інтэграцыі будуць пастаўленыя ў няроўныя ўмовы, дык пра такія намеры адразу трэ было сказаць, і не трэ было б увесь гэты гарод гарадзіць», — падкрэсліў ён.
Беларускі бок цвердзіць, што дэ-юрэ дзеянне заключанага ў студзені 2007 года пагаднення не абмяжоўваецца 2010-м годам, а ўжываецца бестэрмінова.
Расія паінфармавала Беларусь пра пераход да збірання 100% мытаў на нафту. Мінск адмаўляецца плаціць.
Перамовы вяліся з 10 па 31 снежня. Выйсці на дамоўленасці не ўдалося.
З гэтай мэтай беларускім партнёрам перададзена запрашэнне прыбыць у Маскву ў студзені для перамоў, каб выйсці на падпісанне адпаведных дакументаў.
У паведамленні гаворыцца, што расійскія пастаўшчыкі нафты гарантуюць выкананне сваіх абавязацельстваў па пастаўках у адпаведнасці з дзейнымі кантрактамі «для спажыўцоў у Беларусі і Еўропе».
Мінск дамагаецца бяспошлінных паставак усяго аб'ёму сыравіны.Экспарт нафтапрадуктаў, вырабленых з расійскай нафты, быў асновай беларускай эканамічнай мадэлі.
Уваход у Мытны саюз з Расіяй практычна перакрэслівае магчымасці эканамічнай і палітычнай інтэграцыі Беларусі з ЕС.
