Ізраільская паліцыя арыштавала мнагажэнца, якога вінавацяць у серыі сэксуальных злачынстваў і лічаць кіраўніком рэлігійнай секты.
Гаэль Ратзон пражываў у Тэль‑Авіве з 17 жанчынамі, ад якіх меў да 40 дзяцей.
Супраць Ратзона выстаўленыя абвінавачванні ў згвалтаваннях і гвалтоўным пазбаўленні волі.
Паліцыя пачала негалоснае расследаванне ў чэрвені 2009 года пасля таго, як ад некалькіх жанчын паступілі заявы.
Сам Ратзон сцвярджае, што жанчыны жылі ім добраахвотна, і што тыя правілы, якімі ён кіраваўся, нельга аднесці да гвалтоўнага пазбаўлення волі.
Жанчыны і дзеці ўтрымліваліся ў цесных кватэрках па некалькіх адрасах ў паўднёвай частцы Тэль‑Авіва.
Падчас паліцэйскага рэйду, у адной з такіх кватэр былі знойдзеныя 10 жанчын і 17 дзяцей, што месціліся ў трох пакоях. Паліцэйскія кажуць, што жанчыны і дзеці былі ў жахлівым стане.
0
0
0
0
0
0