Мінская Дзяржаўтаінспекцыя сур’ёзна зоймецца паркоўкай грузавога транспарту у нявызначаных месцах.
З сённяшняга дня і па 27 студзеня ДАІ правядзе дэкаду па выяўленні парушэнняў правілаў стаянкі транспартных сродкаў масай больш за 3,5 т. Як вядома, уладальнікі гэтай катэгорыі аўтамабіляў нярэдка паркуюць машыны ў дварах жылых дамоў, у зялёных зонах і г.д.
Падчас дэкады інспектары ДПС будуць выяўляць месцы канцэнтрацыі грузавых аўтамабіляў. Для гэтага пры абследаванні вулічна‑дарожнай сеткі міліцыя прыменіць прыборы фота‑і відэафіксацыі. Усіх парушальнікаў абавязкова прыцягнуць да адміністрацыйнай адказнасці. Калі гэтыя кіроўцы — супрацоўнікі якой‑небудзь транспартнай арганізацыі, іх кіраўнікам будуць выдавацца адпаведныя загады.
Акрамя таго, падчас дэкады ДАІ Мінска возьме пад асаблівы кантроль маршрутныя таксі. Паводле звестак Дзяржаўтаінспекцыі, у сталіцы ў 2009 годзе на 50% павялічылася колькасць дарожна‑транспартных здарэнняў, у якіх па віне кіроўцаў маршрутак пацярпелі людзі.
