19.01.2010 / 16:20

Мікола Рабчук: За Януковіча прапаганду вёў крызіс 2

Але ў Лукашэнкі шанцы былі б яшчэ лепшымі, мяркуе ўкраінскі палітолаг.

Але ў Лукашэнкі шанцы былі б яшчэ лепшымі, мяркуе ўкраінскі палітолаг Мікола Рабчук.
«Наша Ніва»: Для Вас вынікі выбараў сталі нечаканымі?

Мікола Рабчук: Не, усё прадказальна. Адзінай інтрыгай гэтых выбараў быў разрыў між Цімашэнкай і Януковічам. Януковіч апярэджвае суперніцу ўсяго на 10%. Разрыў невялікі, ён дае Цімашэнцы добрыя шанцы.

«НН»: Ці можна гаварыць пра тое, што Януковіч змяніўся ў параўнанні з выбарамі-2004?

МР: Так, ён стаў больш украінскім. Януковіч падвучыў украінскую мову. Але яго эканамічныя погляды наўрад ці змяніліся. А галоўнае, на ягоным баку — крызіс. Толькі што праз крызіс яму не трэба з’яўляцца на тэлебачанні, не трэба раздаваць інтэрв’ю. Крызіс робіць агітацыю за Януковіча.

«НН»: Ці мае Цімашэнка шанцы на перамогу?

МР: Калі яна заручыцца падтрымкай выбарцаў Цігіпкі і Яцанюка, яна мае добрыя шанцы. Цяпер я сказаў бы, што расклад 60 на 40 на карысць Януковіча.

«НН»: Чаму такі маленькі рэйтынг у дзейснага прэзідэнта?

МР: Палітыка Юшчанкі апошніх гадоў была абсалютна бяздарнай. Па шчырасці, я нават здзіўлены, што ён набраў 5% галасоў.

«НН»: Ідэалы Аранжавай рэвалюцыі ўжо неактуальныя?

МР: Калі мы слова «ідэал» будзем перакладаць моваю вынікаў выбараў, то яны памерлі, і памерлі дужа даўно.

«НН»: Наколькі на гэтых выбарах быў важны чыннік Расіі?

МР: Значна менш, чым на мінулых. У медыя-прасторы Расія практычна не афішавалася. У 2004 годзе рэйтынг Юшчанку быў такім высокім і таму, што Расія вяла вельмі актыўную антыўкраінскую прапаганду, тым самым толькі дражніла ўкраінцаў.

«НН»: Лукашэнка меў бы шанцы на перамогу ва Украіне?

МР: Думаю, так. Ён стварыў сабе рэпутацыю такога гаспадара, які навёў парадак у краіне. У Беларусі няма такога бардака, там ведаюць, хто за што адказвае. Словам, у яго імідж «мужыка». Плюс старэйшае пакаленне лічыць, што Лукашэнка дасягнуў высокіх сацыяльных стандартаў.

Гутарыў Зміцер Панкавец

0
а / Адказаць
20.01.2010 / 00:01
Думал, что Рябчук - объективный и серьезный мыслитель, а оказался лакеем Тимошенко. Что он не понимает, что тимошенковские газовые угоды - капкан для Украины, из которого практически невозможно будет освободиться. Все прекрасно понимает, да Юля хорошо платит, что можно и не подрабатывать за кордоном. И что мог Ющенко сделать с такой продажной элитой.
0
а / Адказаць
20.01.2010 / 00:36
Прикидывается Рябчук, что ничего не понимает. Он говорит, что Россия меньше участвовала в этих выборах. Смешно. На прямую да, но работала через своих агентов влияния. Отдыхал летом в Одессе. Так там практически все местные телеканалы не то что пророссийские, а шовинистско-российские, что Михаил Леонтьев с Затулином отдыхают. Откуда деньги у них пан Рябчук? Багамские острова одолжили? "Нейтральной" Москве выборе в Украине обошлись в миллиарды долларов. Все это знает пан Рябчук, да зачем компрамитировать свою госпожу Тимошенко.
Каб пакінуць каментар, калі ласка, актывуйце JavaScript у наладах свайго браўзеру