22.01.2010 / 18:43

Змагары са шкодным кірункам думак пайшлі на павышэнне 12

У кіраўніцтве Камітэта змянілі пасады ажно дзесяць чалавек. Але Лукашэнка проста ператасаваў старую калоду кадэбістаў.

У кіраўніцтве Камітэта дзяржаўнай бяспекі прайшлі кадравыя перастаноўкі. На ключавыя пасады прызначана ажно дзесяць чалавек. Старшыня Вадзім Зайцаў сваё месца захаваў. Тым не менш,

не трэба пераацэньваць значнасць новых прызначэнняў. Лукашэнка проста ператасаваў старую калоду кадэбістаў. Змены носяць касметычны характар.

Берасцеец Леанід Дзядкоў стаў намеснікам старшыні кіраўніка КДБ. Дзядкоў заслужыў славу тым, што будучы на пасадзе кіраўніка берасцейскага КДБ ініцыяваў судовы працэс супраць часопісу ARCHE, звінаваціўшы 1100-старонкавы юбілейны нумар выдання ў экстрэмізме. Асобнік часопіса быў выпадкова канфіскаваны на мытні.

Таксама вядомасць Дзядкову прынесла фраза ягонага намесніка, што «са шкодным кірункам думак у шырокім сэнсе слова у нас змагаюцца ўсе без выключэння аператыўныя падраздзяленні на замацаваных за імі напрамках работы». Фраза была прамоўлена ў часе супольнай з Дзядковым прэс-канферэнцыі. Так вось Дзядкоў заслужыў павышэнне.

Намеснікам Вадзіма Зайцава па кадравым забеспячэнні і арганізацыйнай працы стане Ігар Бахматаў, які да гэтага быў начальнікам Інстытута нацыянальнай бяспекі. А яшчэ перад гэтым працаваў кіраўніком Брэсцкага КДБ, дзе яго замяніў той самы Дзядкоў.

На добрую для кар’ернага росту пасаду кіраўніка Брэсцкага абласнога КДБ прызначаны Ігар Бусько. Ён быў кіраўніком галоўнага ўпраўлення контрвыведкі КДБ. Але гэтае месца таксама не засталося пустым. Буська там змяніў Сяргей Шугаеў.

Берасцейцы аказаліся самымі папулярнымі сярод новых прызначэнцаў. Былы намеснік Дзядкова па Брэсцкай вобласці Іван Ляскоўскі стаў галоўным ужо ў вобласці Гомельскай.

Прыйшоў Ляскоўскі ў Гомель на месца Івана Каржа, але самога Каржа таксама ніхто не спісаў, яго перасунулі на працу ў Гродна, кіраўніком абласнога КДБ.

Былы ж галоўны кадэбіст Гродзенскай вобласці Ігар Сергіенка збірае чамаданы ў вобласць Магілёўскую. Цяпер ён кіраваць будзе тамтэйшым КДБ. Цікава, што прынясе вось такая ператасоўка кадраў?

Начальнікам управы КДБ па горадзе Мінску і Мінскай вобласці прызначаны Уладзімір Калач. Ён замяніў на пасадзе добра вядомага Ігара Кузняцова, які асабіста займаўся крымінальнымі справамі супраць «маладафронтаўцаў». Кузняцоў жа стаў начальнікам Інстытута нацыянальнай бяспекі, замест Бахматава, які пайшоў на павышэнне.

А начальнікам галоўнай управы ўрадавай сувязі КДБ стаў Віктар Ярута. Ён, як і Вадзім Зайцаў, прыйшоў у Камітэт з памежнікаў.

Падпалкоўнік запасу КДБ Валеры Костка кажа, што змены могуць быць звязаныя з хуткімі выбарамі. «Пасля адстаўкі Мацкевіча КДБ фактычна ператвараецца з сур’ёзнай спецслужбы ў асабістую ахранку прэзідэнта. Туды ідуць служыць хто заўгодна: пагранічнікі, танкісты, падаткавікі, але не прафесійныя чэкісты», — кажа Валеры Костка.

Падпалкоўнік узгадвае, што ў свой час сённяшні кіраўнік КДБ Вадзім Зайцаў прывёў з памежнага камітэту у КДБ аж 40 чалавек. «Цяпер працягваецца гэтая праца па стварэнні ручнога органа», — дадае В.Костка.

Зміцер Панкавец

0
па кім плача Костка ? / Адказаць
22.01.2010 / 20:31
Туды ідуць служыць хто заўгодна: пагранічнікі, танкісты, падаткавікі, але не прафесійныя чэкісты», — кажа Валеры Костка. А хто ж з тутэйшых дамарослых "апазыцыянераў" не змагаецца "са шкодным кірункам думак" сваіх апанентаў? Усе супраць усіх. Вакол нас толькі ворагі. Векавечная ідэалогія. Прабальшавіцкаму ўраду традыцыя падабаецца, расцэньваецца як "значны уплыў на беларускую гісторыю і культуру".
0
Сунь Укун / Адказаць
22.01.2010 / 21:52
Ну как елка, димычи (помнишь мой постинг: Ждать уже недолго, скоро будет елка)?. Не рыдайте. Не везет в хоккее, повезет в пивной (из старой советской пестни, переделанной мной). Что-то я как Кнехт в рифму заговорил...
0
Алег / Адказаць
23.01.2010 / 14:46
Сам назоў "КДБ" мусіць вымушаць гэту арганізацыю хоць бы крыху змагацца за ДЗЯРЖАЎНУЮ БЯСЬПЕКУ. А што пагражае бясьпецы РБ? Амэрыканцы? Апазіцыя? НЕ! Лукашэнка? Быццам, у апошні час, таксама – не... Галоўная небясьпека для Беларусі па ранейшаму – ГВАЛТОЎНАЕ РАСЕЙЧАНЬНЕ. Гэта ўжо нібы Бескантрольны выбух, які вынішчае, паліць, не дае права тубыльцам "людзьмі звацца"! Хто вінаваты? Тыя расейцы, якія калісь кінулі запалку, ці таксама тыя, каго праца ў любой краіне – гасІць гэны пажары?! Вас, паны кэдэбісты, што, зусім не бянтэжыць зьнявага да Беларускай мовы з боку пэўных асоб і ўстаноў? Вы ж таксама ходзіце ў крамы, вось скажыце, да прыкладу, чаму на пакунках малака па некалькі разоў напісана адно й тое, І ТОЛЬКІ ПА-РУСКУ? Сярод вас таксама ё Беларусы, дык дзе ваша ініцыятыва? Кінафільмы – толькі па-расейску, кнігі й газэты амаль таксама... Нават дзяцей прымушаюць вучыць гэны язык, нібы ўсе дзеці нашы будуць разьведчыкамі і мусяць быць закінутымі ў тыл Расеі! :) РФ не дае ЗАДАРМА газ і нафту, дык чаму мы надалей павінны быць пад прыгнётам іхняе мовы? Глядзіце, пры такім штаце КДБ тут заўтра яшчэ й расейскія сьцягі павывешваюць!
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру