22.08.2006 / 21:38

Газета «Витебский курьер М» атрымала ўзнагароду ад праваслаўнай царквы

Недзяржаўная грамадска-палітычная газета «Витебский курьер М» 17 жніўня атрымала благаслаўленне Віцебскай праваслаўнай епархіі і грамату «За дбайную працу ва славу святой царквы».

Недзяржаўная грамадска-палітычная газета «Витебский курьер М» 17 жніўня атрымала благаслаўленне Віцебскай праваслаўнай епархіі і грамату «За дбайную працу ва славу святой царквы». Уручаючы ўзнагароду калектыву рэдакцыі, епіскап Друцкі Пётр, вікарый Віцебскай епархіі, адзначыў, што «Витебский курьер М» як ні адна іншая газета ў горадзе ўздымае праблемы культурнай і гістарычнай спадчыны, паказвае сучаснае жыццё ў Віцебску і вобласці.

«Гэта было абсалютна нечакана, - расказвае галоўны рэдактар газеты Уладзімір Базан. - У мінулы чацвер патэлефанаваў архіепіскап Віцебскі і Аршанскі Дзімітрый і сказаў, што епархія прыняла рашэнне ўзнагародзіць газету граматай. Калектыву было прыемна пачуць словы падзякі за сваю працу і атрымаць такую ўзнагароду. Тым больш зараз, калі працягваецца разгляд судовай справы ў дачыненні да газеты, за тое, што мы на сваіх старонках узнялі пытанне, што на месцы старажытнага сабора ў Віцебску плануецца будаўніцтва забаўляльнага цэнтра.»

Прэс-служба ГА «Беларуская асацыяцыя журналістаў»

Каб пакінуць каментар, калі ласка, актывуйце JavaScript у наладах свайго браўзеру