25.01.2010 / 19:59

Акцыі «Аліварыі» даражэюць Відэа 5

У лістападзе адна акцыя каштавала 450,000 рублёў, цяпер — ажно 750,000.

Акцыі беларускага бровара «Аліварыя» падаражэлі ажно на 23% за апошнія 2 тыдні. Адзін з буйных акцыянераў «Аліварыі» такім чынам павялічвае сваю долю — лічыць эксперт праграмы «Асабісты капітал» Белсата Серж Наўродскі.

Попыт на акцыі ААТ «Піўзавод «Аліварыя» на Беларускай Валютна-Фондавай біржы цяпер настолькі высокі, што нават маленькі пакет у пару акцыяў прадаецца імгненна. У выніку паперы Аліварыі можна было прадаць на мінулым тыдні па 750 тыс за штуку. У лістападзе яны гандляваліся на ўзроўні 450 тысяч рулёў за акцыю.

«Працягваецца скупка актываў бровара акцыянерам прадпрыемства, — лічыць эксперт «Асабістага капітала» Серж Наўродскі.

Нагадаем, што пакетам Аліварыі у 30% валодае дацкі канцэрн Карлсберг, яшчэ 21% у Еўрапейскага Банка Рэканструкцыі і развіцця, а рэшта ў 49% да нядаўняга часу належала фізічным асобам. Усяго у першай палове студзеня было прададзена 236 акцыяў, гэта ледзь 0,2% ад агульнай колькасці.

Пра тое, ці варта ўключацца ў пагоню за акцыямі «Аліварыі», вы можаце даведацца ў відэа:

У які актыў варта заінвеставаць у Беларусі? Праверце сваю фінансавую інтуіцыю з дапамогай праграмы «Асабісты капітал».

Паводле інфармацыі праграмы «Асабісты капітал» ТВ Беларусь/Белса

0
kapital / Адказаць
25.01.2010 / 20:48
На новы год акцыі Аліварыі спыніліся і пасля 10- га студзеня ізноў пайшлі ўгару.
0
Стас / Адказаць
25.01.2010 / 23:31
или я что-то прозевал. в Беларуси появился вторичный фондовый рынок? Могу как я физ. лицо купить на рынке акции и потом их продать через пару дней?
0
kapital / Адказаць
26.01.2010 / 22:44
Існуе ад ліпеня мінулага году, абмежаваны, канешне, але ёсць. Чыста тэхнічна і купіць і прадаць - можаце. Вось сюжэт на гэтую тэму http://www.youtube.com/watch?v=MTkxSH3rXoA Але на практыцы - купіць спакойна зможаце, але вось прадаць - іншага пакупніка хучэй за усё не знойдзеце. За апошнія два месяцы здзелкі на БВФБ адбыліся па акцыях заледзьве 15 прадпрыемстваў. Гэта з больш чым 5 соцень! Лепей іншы інструмент пашукаць.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру