26.01.2010 / 13:54

Нацыянальная сістэма «БелКарт» дагэтуль не выпусціла ніводнай карткі на беларускай мове даслаў чытач 11

Бо не мае на гэта тэхнічных магчымасцяў.

Бо не мае на гэта тэхнічных магчымасцяў.

Пайшоў атрымліваць новую зарплатную картку «Maestro» ад Беларусбанка (Мяснікова, 40). Дадаткам да карткі «Maestro» цяпер у абавязковым парадку выдаецца пластыкавая карта нацыянальнай плацёжнай сістэмы «БелКарт». Лістоўкі пра гэта вісяць на кожным кроку ў аддзяленні банка.

Калі зайшоў у кабінет атрымліваць картку, то пабачыў, што на картке «БелКарт» мае імя і прозвішча пазначана кірыліцай на расейскай мове. На пытанне, ці можна запісаць заяву, каб перерабілі на беларускай мове, адказалі, што гэта немагчыма.

Пасля, у размове з загадчыцай аддзела, высветлілася, што прадпрыемства, якое вырабляе для Беларусбанка карткі (выціскае імя на пластыку) не мае тэхнічных магчымасцяў выціскаць імя па-беларуску. З гэтай прычыны напісаў заяву на скасаванне карткі «БелКарт», і яе адразу пры мне і знішчылі.

Каб неяк паўплываць на гэтую абсурдную сітуацыю, прыйшлося пакінуць запіс у кнізе заўвагаў і прапаноў наступнага зместу:

Сёння мне было адмоўлена ў выдачы карткі сістэмы «БелКарт» з прозвішчам і імем на беларускай мове. Гэта прыкра, бо сістэма «БелКарт» пазіцыянуецца як нацыянальная. Прашу вырабіць і выдаць мне пластыкавую картку «БелКарт» з прозвішчам на беларускай мове (кірыліцай ці лацінкай).

Мо, нешта з гэтага і выйдзе?

МЗ

0
Kus / Адказаць
26.01.2010 / 13:59
Можна аб'яднацца - я іх ужо месяц дастаю. Чакаю афіцыйны ліст і можна і ў пракуратуру поты.
0
МЗ / Адказаць
26.01.2010 / 14:25
Трэба іх даціскаць 8-) Спачатку сказалі мне, што ніхто яшчэ да мяне не прасіў па-беларуску прозвішча і што я першы. Потым высветлілася іншае - што такія просьбы былі, але Беларусбанк "пераводзіць стрэлкі" на Межбанкаўскі працэсінгавы цэнтр, які эмбосінгам пластыка займаецца, а тыя кажуць што нібыта такое тэхнічна немагчыма (але расейскай кірыліцай магчыма чамусьці ...)
0
Салдат Швейх / Адказаць
26.01.2010 / 14:53
А я ім наогул казаў, што г@ўно іхняе мне не патрэбна, аднак сілком усучылі... Аддаў жонцы...
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру