29.01.2010 / 12:57

Рачкоўскі: Грамадзянам зручней перасякаць мяжу з Еўрасаюзам, чым з Расіяй 3

Старшыня памежнага камітэта Ігар Рачкоўскі пракаментаваў сітуацыю, што стварылася на беларуска‑расійскай мяжы.

Старшыня памежнага камітэта Ігар Рачкоўскі пракаментаваў сітуацыю, што стварылася на беларуска‑расійскай мяжы.

«Сапраўды, сёння на беларуска‑расійскай мяжы ў аднабаковым парадку з боку Расіі прысутнічае транспартны і практычна мытны кантроль. Гэта датычыць увоза на тэрыторыю РФ аўтамабіляў. Дзейнічае паўтара дзесятка мытных пунктаў. Назіраецца і павелічэнне колькасці мытных падраздзяленняў, а таксама развіццё мытнай інфаструктуры», — сказаў І.Рачкоўскі.

«Адсутнасць камфорту і часта вялікія чэргі, наяўнасць дадатковых працэдур на ўнутранай мяжы саюзнай дзяржавы выклікаюць непаразуменне з боку нашых грамадзян», — зазначыў старшыня камітэту.

Пры гэтым Рачкоўскі сказаў, што людзі часта скардзяцца, што мяжу Беларусі з Еўрасаюзам перасякаць больш камфортна, чым з Расіяй, якой нібыта няма.

«Ёсць праблемы, якія носяць тэхнічны характар. Спадзяюся, што пасля таго, як пачне дзейнічаць Мытны саюз, яны знікнуць», — запэўніў І.Рачкоўскі.

На ягоную думку, сама ідэя Мытнага саюза станоўчая, але павінны быць улічаныя патрабаванні ўсіх бакоў. «Калі не будзе роўных умоваў, то для чаго ён тады ствараецца?»

Ігар Рачкоўскі зазначыў, што беларуская мяжа цалкам інфарматызаваная і выведзеная ў агульную сетку дадзеных. У Расіі і Казахстане нічога падобнага няма.

Зміцер Панкавец

0
Міхаліна / Адказаць
29.01.2010 / 23:54
Лепш інтэгравацца з Гандурасам, чым з адсталай Расеяй.
0
2 Міхаліна / Адказаць
30.01.2010 / 00:06
бо мы будзем Гандурасу старэйшым братам і прымусім "такіх же беларусов" размаўляць па-беларуску ;)
0
Libertarian / Адказаць
30.01.2010 / 20:52
¡Nosotros los hondureños no daremos nuestra lengua a torcer, ni nuestros testículos! El hondureño cimarrón
Каб пакінуць каментар, калі ласка, актывуйце JavaScript у наладах свайго браўзеру