29.01.2010 / 13:56

Не толькі Быкаў пісаў вершы, Чэхаў таксама 15

Так лічыць Віктар Януковіч, кандыдат у прэзідэнты Украіны.

Так лічыць Віктар Януковіч, кандыдат у прэзідэнты Украіны.

Малады прыхільнік Януковіча цалуе руку свайму лідэру.

У чацвер 28 студзеня ў эфіры дзяржтэлерадыёкампаніі «Крым» Віктар Януковіч заявіў, што памятае пра юбілей Чэхава. Пры гэтым кандыдат у прэзідэнты ад Партыі рэгіёнаў назваў Чэхава яго спачатку «ўкраінскім, рускім пісьменнікам», а затым — паэтам. «Я ведаю і памятаю аб тым, што ў гэтыя дні адзначаецца 150-годдзе творчасці Чэхава — украінскага, расейскага пісьменніка, ну, а ўвогуле больш правільна будзе сказаць: дзеяча сусветнай культуры», — сказаў Януковіч. «Ялцінцы павінны ведаць, запішыце: у 2010 годзе ў абавязковым парадку будзе ўказ прэзідэнта аб рэстаўрацыі і аднаўленні дома-музея Чэхава», — заявіў ён.

«Я яго падпішу, гэты ўказ, і мы з вамі будзем мець дом-музей, за які нам не сорамна будзе, каб і жыхары Украіны, і іншых краін, прыехаўшы ў Ялту, прыехаўшы ў Крым, маглі ўбачыць маглі пабачыць памятныя мясціны звязаныя і з біяграфіяй, і з гісторыяй гэтага цудоўнага паэта, вялікага паэта Антона Паўлавіча Чэхава», — сказаў Януковіч.

29 студзеня адзначаецца 150-годдзе з дня нараджэння расейскага пісьменніка, драматурга Чэхава.

Гэта не першы кур’ёзны выпадак з лідэрам Партыі рэгіёнаў. «Українська правда» падрыхтавала цэлы хіт-парад канфузаў Віктара Януковіча.

7 лютага адбудзецца другі тур прэзідэнцкіх выбараў ва Украіне. Віктар Януковіч у ім будзе супернічаць з цяперашняй прэм'ер-міністаркай краіны Юліяй Цімашэнка. Януковіч абапіраецца на ўсходнеўкраінскі, расейскамоўны электарат. Ягоная суперніца мае падтрымку захаду і цэнтру краіны і ўкраінскамоўных выбарцаў. Януковіч цесна звязаны з усходнеўкраінскімі алігархамі, тады як Цімашэнка мае рэпутацыю папулісткі.

Хочаш падзяліцца важнай інфармацыяй ананімна і канфідэнцыйна?

0
Aleś Jurkaviec / Адказаць
29.01.2010 / 14:05
Януковічу сапраўды, як казалася ў даўняй рэкламе жуйкі, часам лепш жаваць, чым гаварыць. Я толькі дзіву даюся, чаму "рэгіяналы" за 5 гадоў так і не сабраліся памяняць свайго кур'ёзнага лідэра на некага больш адэкватнага. Ён жа ў значнай ступені з-за сваёй малаінтэлектуальнасці і крымінальнай біяграфіі мінулыя выбары прайграў, у якіх лідзіраваў за кошт цвёрдага электарату на ўсходзе, і гэтыя можа вельмі верагодна таксама.
0
Scooter / Адказаць
29.01.2010 / 15:50
За тое Лукашэнку зь ім будзе нашмат лягчэй дамовіцца па розных пытаньнях, чым зь Юшчанкам...
0
Aleś Jurkaviec 2 Scooter / Адказаць
29.01.2010 / 15:57
Лукашэнку адзін чорт, мабыць. І з Юшчанкам ягы апошнім часам нядрэнна ладзілі. А адкрытых канфліктаў у іх увогуле за 5 гадоў, здаецца, не было.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру