За мінулыя суткі вышыня снежнага покрыва падрасла на 2‑8 см, і зараз яна складае ад 9 да 32 см. У Мінску яна складае 25 см.
Атлантычны цыклон, які прынёс у Беларусь снегапады, паступова губляе былую моц ды ссоўваецца ў бок Латвіі,
паведаміла галоўны сіноптык Рэспубліканскага гідраметэацэнтра Вольга Фядотава.
За мінулыя суткі вышыня снежнага покрыва падрасла на 2‑8 см, і зараз яна складае ад 9 да 32 см. У Мінску яна складае 25 см.
Прыкметна аслабелі маразы — да мінус 2—10 градусаў.
У найбліжэйшыя выхадныя дні пад уплывам чарговага атлантычнага цыклону і атмасферных франтоў, што сунуцца з Заходняй Еўропы, у Беларусі захаваецца па‑сапраўднаму зімовае надвор’е.
У многіх раёнах пройдзе снег.
У суботу, 30 студзеня, месцамі з мяцеліцай. На асобных участках дарог галалёдзіца. Вецер паўднёвы ўсходні, умераны, 30 студзеня — парывісты.
Тэмпература паветра ў ноч на 30 студзеня складзе 5—11 градусаў марозу, па паўднёвым усходзе пры праясненнях — да мінус 14 градусаў.
Суботнім днём прагназуецца мінус 2—8 градусаў.
У ноч на нядзелю, 31 студзеня, тэмпература паветра істотна не зменіцца і складзе мінус 4--11 градусаў. Днём чакаецца ад 1 да 7 градусаў марозу.
У першы дзень лютага прагназуецца пагаршэнне ўмоў надвор’я ў Беларусі пад уплывам чарнаморскага цыклону.
На большай частцы краіны чакаюцца працяглыя моцныя снегапады і завеі, на дарогах ўтворацца снежныя заносы. На усходзе пройдзе мокры снег. Тэмпература паветра на працягу сутак будзе вагацца ад нуля градусаў на ўсходзе да мінус 7 градусаў на захадзе краіны.
У далейшым чакаецца няўстойлівае надвор’е:
час ад часу будзе ісці снег, у начныя гадзіны тэрмометры пакажуць мінус 7‑14 градусаў, пры праясненнях да мінус 15‑18 градусаў. Дзённая тэмпература будуць вагацца ад мінус 1 градуса да мінус 8, месцамі да 12 градусаў ніжэй за нуль.
Цяпер чытаюць
Крутога айцішніка, які вярнуўся з Грузіі, асудзілі па чатырох палітычных артыкулах8
Каментары