Камічная сітуацыя здарылася ў нядзелю, калі Папа Бенедыкт XVI звяртаўся з казанню да вернікаў з акна сваіх апартаментаў.
Паводле традыцыі, Бенедыкт XVI выпусціў галубоў. Адзін з іх адразу ж паляцеў, другі сеў на падваконне, а трэці ўцёк і пачаў лётаць па апартаментах.
Папа павярнуўся спіной да вернікаў і з цікавасцю назіраў доўгі час, як яго падручныя спрабавалі злавіць птушку. Урэшце можна было пачуць, як адзін з іх усклікнуў: «Я злавіў яго!».
Пасля гэтага голуба‑ўцекача перадалі назад да Папы.