04.02.2010 / 19:01

Першы канал пачаў прасаваць Лукашэнку 10

Нафтавая вайна зрабіла беларускага кіраўніка галоўным аб’ектам кпінаў на расійскім тэлебачанні. Піша Ягор Марціновіч.

Нафтавая вайна зрабіла беларускага кіраўніка галоўным аб’ектам кпінаў на расійскім тэлебачанні. Піша Ягор Марціновіч.

Новы праект Першага канала — «Мультасобы» — нагадаў гледачам дэмакратычныя 1990‑я. Тады НТВ‑шныя «Лялькі» маглі на ўсю краіну смяяцца і з прэзідэнта, і з прэм’ер‑міністра, і з астатніх палітыкаў. З’яўляліся ў эфіры і пародыі на зорак шоу‑бізнэсу, але ўвага факусавалася на грамадскіх дзеячах — смешных, недасканалых. Асабістая крыўда Пуціна выклікала закрыццё перадачы ў 2002 годзе.

Сатыра ўваскрэсла праз сем гадоў на іншым тэлеканале. Праўда, цяпер дазволена смяяцца толькі з артыстаў і замежных палітыкаў. Кранаць сваіх — непажадана. Пуцін і Мядзведзеў з’явіліся ў «Мульце» толькі каб праспяваць бяскрыўдную навагоднюю песеньку і папярэдзіць Юшчанку, што «у вас огонь погас — это раз».

Жабракі Цімашэнка з Юшчанкам, бабнік Берлусконі і падабцаснік Сарказі — вось новыя героі расійскай сатыры. А з цягам разгортвання нафтавага канфлікту пад прыцэл трапіў і Лукашэнка. Яго вобраз — бесцырымонны, надакучлівы і дурнаваты палітык, які гаворыць на трасянцы.

Вось Лукашэнка ўпрошвае Мядзведзева пакатаць яго на прэзідэнцкім лімузіне. Вось спрабуе прадаць трактар Берлусконі і Хілары Клінтан, псуючы ім спатканне. Вось ён ідзе «даваць свінням».

Паводле сюжэта апошняй перадачы, у гульні «Хто хоча стаць мільянерам?» персанаж Лукашэнка падманам выйграе галоўны прыз. Яго фразы можна разбіраць на цытаты: «Давайце не 50 на 50, а 98 на 2! Я так прывык!» ці «Не трэба бацьку пужаць! Бацька пужаны! Бацька на трактары перакульваўся!»

Перадача выйшла падчас нафтавых перамоваў. А адразу пасля іх тую самую ідэю — Лукашэнка гуляе ў «Мільянера» — выкарысталі ў іншай гумарыстычнай перадачы таго ж канала, «Вялікай розніцы». Эпізод, дзе персанаж Лукашэнка несумленна выйграе тры мільёны расійскіх рублёў, у Беларусі не паказалі — выразала цэнзура.

Расійскі Першы канал прасуе Лукашэнку, нібыта хоча сказаць сваім гледачам: звярніце ўвагу, хто фактычна крадзе нашы, расійскія грошы.

…Нафтавая праблема, здаецца, вырашаная. Цікава, каго крэмлёўскія ідэолагі прызначаць наступнай «ахвярай» сатырычнага тэлебачання?

Ягор Марціновіч

0
mikola / Адказаць
04.02.2010 / 19:14
Pacali prasavat? Zaprasuite Lukasenku lepe u Sibir....tam smat pracy....
0
Кот / Адказаць
04.02.2010 / 19:26
Дагуляўся ў "саюзныя дзяржавы" сп. Марцiновiч. Пакуль не дагуляецца канчаткова, уладу не пакiне..
0
Неслучайный прохожий / Адказаць
04.02.2010 / 19:36
Расейцам не патрэбны сябры-ім патрэбны халуі. І калі нехта не згаджаецца на гэтую ролю-іх прасуюць.Але калі згаджаецца на ролю халуя-прасуюць яшчэ больш. Генэтычная памяць-калісьці іх князёў прасавілі ў Залатой Ардзе. Правільна казаў Пазьняк- нефік дружыць з азіятамі.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру