Фiнскiя ўлады зрабiлi больш жорсткiмi законы, накiраваныя на барацьбу з курэннем. З гэтага часу тытунёвую прадукцыю забароняць выстаўляць на вiтрынах крамаў краiны.
Згодна з новым законам, уладальнiкаў крамаў абавяжуць да вясны прыбраць усе вiтрыны з тытунёвымi вырабамi. Курцам пры набыццi цыгарэт давядзецца пытацца аб iх у прадаўцоў, якiя будуць даставаць жаданае з‑пад прылаўка.
Закон таксама забаронiць курыць у машыне, калi ў ёй знаходзiцца няпоўнагадовы. Акрамя таго, на працягу найблiжэйшых трох гадоў у Фiнляндыi плануецца дэмантаваць усе аўтаматы па продажы цыгарэт.
Такая заканадаўчая iнiцыятыва зробленая ў рамках праграмы па поўным выкараненнi курэння — паводле слоў дзяржаўнага сакратара Iлкi Аксалы, Фiнляндыя паставiла мэту стаць першай краiнай, якая пазбавiлася ад гэтай шкоднай звычкi «раз i назаўсёды». Улады разлiчваюць дасягнуць гэтага ў найблiжэйшыя 30 гадоў.
Як сказана ў паведамленнi, гiгант тытунёвай iндустрыi Philip Morris пачаў вывучэнне юрыдычных магчымасцяў выхаду з сiтуацыi.