13.02.2010 / 00:35

На Алімпіядзе ў Ванкуверы загінуў грузінскі саначнік 3

Ён атрымаў смяротную траўму падчас трэніровачнага заезду.

У Ванкуверы ў пятніцу памёр 21-гадовы грузінскі саначнік Надар Кумарыташвілі. Ён атрымаў смяротную траўму падчас трэніровачнага заезду.

Надар Кумарыташвілі вылятае з трасы. Фота AFP.

Спартовец на фінальным павароце страціў кіраванне над сваімі санкамі, урэзаўся ў сцяну трэка і на хуткасці 145 км/г вылецеў з трасы.

Медыцынская брыгада адразу кінулася на дапамогу. А праз восем хвілін Кумарыташвілі быў адпраўлены верталётам у бальніцу, але там выратаваць спартоўца не здолелі.

Крыху раней двухразовы аімпійскі чэмпіён італьянец Армін Цогелер на той жа трасе таксама не даў рады кіраванню санкамі, але пазбегнуў сур’ёзных пашкоджанняў.

Грузінская дэлегацыя заявіла, што не выключана, што здымецца з Алімпіяды, паколькі спартоўцы перабываюць у шоку.

Прэзідэнт Міжнароднага алімпійскага камітэта Жак Раге скзааў наступнае: "Усе нашыя думкі - з сям'ёй, сябрамі і калегамі спатроўца. Уся алімпійская сям'я уражана гэтай трагедыяй, якая кідае цень на Гульні".

0
bL8dy_R8ts / Адказаць
13.02.2010 / 12:29
Мае спачуваньні сям'і Кумарыташвілі. І я не разумею: а чаму канструкцыя трасы дазваляе выляцець за яе межы? Не проста выляцець, так яшчэ і слупы ўздоўж стаяць. Нібыта спецыяльна, каб спартоўцы ў іх уляталі. ((((
0
lazy-bones / Адказаць
13.02.2010 / 19:15
Шчырыя спачуваньні родным ды блізкім нябожчыка ды ўсяе Ґрузыі...
0
Юзик / Адказаць
14.02.2010 / 15:09
Этой новости уже три дня. Хорошо же вам спится,НН. [Гэта навіна выстаўлена, як бачна, унізе навіны - 12 лютага, у 23:35 максімум праз дзве гадзіны пасля трагедыі ў Ванкуверы. Перачытвайце ўважліва, а потым наяжджайце. Тым больш, што саначнік загінуў не тры дні таму, а два таму, вечарам пятніцы. -- вэб-рэдактар]
Каб пакінуць каментар, калі ласка, актывуйце JavaScript у наладах свайго браўзеру