15.02.2010 / 18:45

Два дзіцячыя садкі і 27 дамоў па вул. Ландара ў Мінску засталіся без гарачай вады і цяпла 1

Цеплатрасу прарвала паміж жылым домам на вул. Ландара, 24 і дзіцячым садком на Ландара, 18. Прычына аварыі — карозіі металу трубаправода.

Без ацяплення і гарачага водазабеспячэння застаюцца 27 жылых шматкватэрных дамоў і два дзіцячыя садкі па вул. Ландара 18 і 48. Таксама ў выніку аварыі быў падтоплены падвал жылога дома на Ландара, 24 і трансфарматарных падстанцый на Ландара, 22. У мэтах прадухілення аварыйнай сітуацыі падстанцыя была адключаная, у выніку чаго без электраэнергіі заставаліся восем дамоў.

Зараз завершаны работы па аднаўленні электразабеспячэння і адпампоўка вады з падвалу жылога дома.

Ацяпленне і гарачае водазабеспячэнне ў дамах і дзіцячых садках арыентыровачна павінны быць адноўлены да 6.00 16 лютага.

0
Крывіч / Адказаць
15.02.2010 / 23:33
Прычына аварыі — карозіі металу трубаправода Гэта версія для дэлетантаў, галоўная прычына - карупцыя! Кожнае лета адключаюць теплавую энергію з мэтай правесьці так званую "гідраўліку" .Гэта выпрабаваньне ціскам большым у некалькі разоў за працоўны ціск. Усе каразіраваныя кускі трубы павінны былі парвацца пры выпрабаваньнях. А калі пачалося падтапленьне значыць не працуюць дрэнажныя сістэмы, яшчэ адзін факт карупцыі ў камунальнай і энэргітычнай гаспадарцы краіны. Карозія сістэмы нармалёвы стан акупацыйнай улады!
Каб пакінуць каментар, калі ласка, актывуйце JavaScript у наладах свайго браўзеру