16.02.2010 / 19:07

Зачыстка Кастрычніцкай плошчы на Акцыі салідарнасці Дадалося відэа і фота 10

Традыцыйную акцыю на Дзень салідарнасці сёння правесці не далі. Сярод 28 затрыманых — фотакарэспандэнтка НН Юлія Дарашкевіч.

Традыцыйную акцыю на Дзень салідарнасці сёння правесці не далі. Сярод 28 затрыманых — фотакарэспандэнтка НН Юлія Дарашкевіч.

***

20:55

Юліі Дарашкевіч адпусцілі. Як яна расказала, з яе ўзялі тлумачэнне. Пратакола не складалі.

20:41

Выйшаў яшчэ адзін затрыманы — Павел Пракаповіч.

20:32

Выпусцілі тым часам яшчэ аднаго затрыманага.

20:30

Выпусцілі яшчэ аднаго затрыманага.

20:26

Да людзей, што сабраліся ля будынка РУУС выйшаў нейкі чалавек у цывільнымі сказаў з апломбам у голасе, што калі адсюль не разыдуцца, то нікога не выпусцяць і наогул — можа пачацца хапун.

20:09

Выпусцілі грамадскага актывіста Паўла Юхневіча і двух дзяўчат, якія, праўдападобна, трапілі сярод затрыманых выпадкова. Усіх адпусцілі без складання пратакола. Юлю Дарашкевіч пакуль не адпускаюць. Нагадаем, што сёння ўсяго затрымалі 28 чалавек.

20:01

Выпусцілі грамадскага актывіста Паўла Юхневіча і двух дзяўчын, якія, праўдападобна, трапілі сярод затрыманых выпадкова. Усіх адпусцілі без складання пратаколу. Юлю Дарашкевіч пакуль не адпускаюць.

19:50

Усяго затрыманых 28 чалавек. На ганку Цэнтральнага РУУС адмаўляюцца браць заяву і пускаць унутр. На ганку стаіць маёр Міхаіл Котаў і не пускае ні журналістаў, ні адваката, ні прадстаўнікоў БАЖ у памяшканне.

Ён жа адмаўляецца пацвердзіць, ці затрыманая Юлія Дарашкевіч.

18:30

Сем чалавек вярнуліся на плошчу, разгарнулі бел-чырвона-белы сцяг і прынеслі з сабой расцяжку «За нашу і вашу вольнасць» у знак салідарнасці з Саюзам палякаў.

Іх усіх забралі, сярод іншых затрыманы грамадскі актывіст Павел Юхневіч.

Іх таксама пагрузілі ў аўтобус і павезлі ў РУУС.

18:21

Аўтобус з затрыманымі ад'яжджае, відаць, у Цэнтральны РУУС (усяго затрыманыя сем чалавек).

Трое маладафронтаўцаў знаходзяцца ў пастарунку ў пераходзе метро.

18:14

Затрымана фотакарэспандэнт НН Юлія Дарашкевіч,

прапаршчык Ігнацьеў забраў у яе журналісцкае пасведчанне, а іншы чалавек у цывільным (не прадставіўся) адвёў яе ў аўтобус, зазначыўшы, што журналістка нібыта ўдарыла яго.

18:10

Кожнага, хто імкнецца трапіць на плошчы, людзі ў цывільным затрымліваюць, не даючы патрапіць на акцыю.

* * *

18:02

На плошчы шмат людзей у цывільным. Журналістам не даюць здымаць.

У дзяўчат, што набліжаліся да плошчы, вырвалі бел-чырвона-белы сцяг.

Міліцыя ходзіць з рупарам па плошчы і прамаўляюць, што з 23 лютага будзе забаронена распіццё піва ў грамадскіх месцах.

І ні традыцыйнага слова пра «несанкцыянаваную акцыю».

Журналісты мяркуюць, што гэта зроблена спецыяльна, каб звычайныя мінакі не думалі, што тут адбываецца палітычная акцыя.

* * *

Чатыры гады кожны месяц 16‑га дня праходзіць акцыя ў падтрымку палітвязняў і сем’яў зніклых.

У розных гарадах Беларусі і замежжа людзі выходзяць на вуліцы са сцягамі і партрэтамі, каб прызваць беларускія ўлады да спынення рэпрэсій і да палітычных зменаў у краіне. Акцыя «Салідарнасці» мае на мэце нагадаць грамадству, што ў Беларусі ўсё яшчэ ёсць вязні сумлення: гэта ваўкавыскія прадпрымальнікі Мікалай Аўтуховіч і Уладзімір Асіпенка, а таксама актывіст «Маладога Фронту» Арцём Дубскі.

Таксама ў Беларусі па‑ранейшаму амаль не расследуюцца справы аб знікненні ў 1999‑2000 гг апазіцыйных лідэраў Віктара Ганчара, Юрыя Захаранкі, Анатоля Красоўскага і журналіста Дзмітрыя Завадскага.

Вольга Жарнасек

0
Бiць цi не бiць / Адказаць
16.02.2010 / 19:23
..а іншы чалавек у цывільным (не прадставіўся) адвёў яе ў аўтобус, зазначыўшы, што яна нібыта ўдарыла яго. --- Яны так часта скардзяцца на тое што iх бьюць, што падумалася: а можа iх i сапраўды трэба пачынаць ужо бiць?
0
sai / Адказаць
16.02.2010 / 21:00
Душыць журналістаў - гэта самае дно непрафесіяналізму, толькі неадукаваная малпа падніме руку на прэсу. Што да правоў грамадзян, у Канстытуцыі абавязкова павінен быць артыкул пра самаабарону. Любы чалавек мае права абараняць сваё жыццё любымі даступнымі спосабамі незалежна ад крыніцы пагрозы жыцця. І гэта - не заклік да экстрэмізму, гэты напаміна аб інтуіцыйнам праве самазахавання.
0
з-за кожнага кута / Адказаць
16.02.2010 / 22:20
Трэба падобныя акцыя ладзіць адразу ў шматлікіх месцах горада - няхай увесь Менск патрулююць. А то ім лафа а не праца.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру