17.02.2010 / 14:58

Тарэса Собаль павінна вызваліць Дом Польскі ў Івянцы Абноўлена, дадаюцца фоты 10

Перад пачаткам судовага пасяджэння актывістаў непрызнаванага Саюза палякаў зноў масава зачысцілі - яны ехалі ў суд у Валожын. Анжаліку Борыс затрымлівалі сёння ажно тройчы.

Актывістаў непрызнаванага Саюза палякаў зноў масава зачысцілі - яны ехалі ў суд Валожына, каб падтрымаць кіраўніка Івянецкай арганізацыі СПБ Тарэсу Собаль. Анжаліку Борыс затрымлівалі сёння ажно тройчы.

16:26

Суд задаволіў пазоў Бурачэўскага і абавязаў Тарэсу Собаль і яе прыхільнікаў вызваліць Дом Польскі ў Івянцы.

Людзі, што сабраліся ля суда, скандуюць «Мы пераможам». Міліцыя пачынае адганяць людзей ад брамы суда. З'явіліся шмат "гаварашчых куртак".

Анжаліка Борыс: «Гэта бясспраўна, гэта прававое бязмежжа».

Адвакат Галіеў кажа, што рашэнне незаконнае: «Мы будзем падаваць пратэст, для гэтага ёсць 10 дзён»

16:03

Усе хадайніцтвы абароны адхіленыя. Суд узяў перапынак на 15 хвілін.

15:41

Актывіст СПБ Эдвард Дзьмухоўскі паведаміў, што сёння ў Горадні а 16-й запланаваная акцыя ў падтрымку сябраў СПБ Андрэя Пачобута, Ігара Банцара і Мечыслава Яскевіча, які адбываюць адміністрацыйны арышт.

Прапануецца зладзіць малебен ля сцен РУУСа на вуліцы Гая (Горадня).

Па дарозе на Валожын машыну Анжалікі Борыс спынялі некалькі разоў.

Дайсці да Валожына Борыс спрабавала нават пешшу.

У суд пані Анжаліку не пусцілі, "бо спазнілася на 40 хвілінаў".

15:10

Консул прывёў Анжаліку Борыс да будынка суда, але іх не пускаюць у будынак, маўляў, прайшло 40 хвілін суда і яны спазніліся.

15:06

Консул пайшоў вызваляць Борыс, у судзе прысутнічае яшчэ адзін консул, прадстаўнікі амбасады Польшчы, а таксама тры чальцы івянецкага Саюза палякаў, ёсць таксама прадстаўнікі дзяржаўных тэлеканалаў.

14:50

З залі суда выйшаў польскі консул Марэк Новак і паведаміў, што на паседжанні засталіся толькі Тарэса Собаль з адвакатам Галіевым, сведкі з боку старшыні праўладнага Саюза Сямашкі. З залі выдалілі дзяржаўных журналістаў. Консул накіраваўся ў Валожынскі РУУС. Па яго звестках, туды толькі што прывезлі Борыс.

***

14:45

Каля суда сабралася каля 20 чалавек. У сярэдзіну нікога не пускаюць. Прайшлі толькі супрацоўнікі дзяржаўных тэлеканалаў. Шмат міліцыянтаў. Каларытных супрацоўніках ЖКГ не назіраецца.

14:35

На ўскрайку горада машыну Галіева спынілі супрацоўнікі ДАІ. Як пазней расказала Борыс, даішнікі сказалі, калі яна не выйдзе - адвакат на суд не трапіць. Старшыня СПБ добраахвотна выйшла з машыны. Галіева адпусцілі.

Праз некалькі крокаў Анжаліку Борыс затрымалі чацьвёра мардаваротаў, якія выбеглі з белага буса з мінскімі нумарамі. Старшыню непрызнанага Саюза палякаў сілай зацягнулі ў аўтобус і павезлі за горад. Фотакорам Юліі Дарашкевіч і Сяргею Грыцу невядомыя перашкаджалі пры гэтым здымаць, спрабавалі адабраць камеры.

***

Праверылі дакументы ў адваката Аляксандра Галіева. Цяпер ён кіруецца на сваім аўто ў Валожын. З ім едзе А. Борыс. У рэшты затрыманых правяраюць дакументы і пакрысе адпускаюць, праўда без аўто. Людзі ідуць у горад пешшу, гэта некалькі кіламетраў.

***

14:10

Затрыманы яшчэ адзін аўтамабіль з актывістамі СПБ, які таксама не прапускаюць у горад. Усяго тут перад Валожынам затрыманыя сем чалавек.

Машыны сябраў СПБ кантралююць на уездзе ў горад тры машыны ДАІ.

Сябрам Саюза палякаў кажуць, што яны падазраюцца ў розных злачынствах, а машыны ўгнаныя.

«Інтэлектуальную» падтрымку мясцовым даішнікам аказвае намеснік начальніка Валожынскага РУУС.

У самім Валожыне затрыманыя яшчэ восем чальцоў саюзу, пяць чалавек затрыманыя пад Горадняй.

Усяго сёння затрымалі мінімум 20 чалавек.

***

Актывісты арганізацыі накіроўваліся ў суд Валожынскага раёна (Мінская вобласць), каб падтрымаць кіраўніка Івянецкай арганізацыі СПБ Тарэсу Собаль.

Борыс спрабуюць адправіць у пастарунак міліцыі, жанчына рэзка пратэстуе і патрабуе адваката.

Раней Анжаліка Борыс была затрымана разам з кіроўцам аўтамабіля была затрыманая ў раёне Ліды, але потым машыну прапусцілі.

***

Гэта ўжо другое за апошнія тры дні масавае затрыманне актывістаў неафіцыйнага СПБ. 15 лютага ў розных гарадах Беларусі былі затрыманы прыблізна 40 актывістаў і кіраўнікоў арганізацыі. За правядзенне несанкцыянавага мітынгу ў Гродне 10 лютага Анжаліка Борыс была аштрафавана на 30 базавых велічынь (1 млн. 50 тыс. рублёў), Андрэй Пачобут, Ігар Банцар і Мечыслаў Яскевіч — асуджаны на пяць сутак арышту.

Сёння ў 14.30 у судзе Валожынскага раёна павінна пачацца папярэдняе пасяджэнне па грамадзянскай справе лідэра Івянецкай арганізацыі неафіцыйнага СПБ Тарэсы Собаль.

Яна абвінавачваецца ў захопе Дома польскага ў Івянцы. Пазоў у дачыненні да Собаль падаў старшыня афіцыйнага СПБ Станіслаў Сямашка.

Алесь Пілецкі, Юлія Дарашкевіч, Мінск - Валожын

0
Мінак / Адказаць
17.02.2010 / 14:51
У Лукашэнкі абвастрэньне пачалося? Ці ў чым прышпіл штодзённых разгонаў, затрыманьняў, пасадак, вобшукаў?
0
Алесь / Адказаць
17.02.2010 / 16:15
По стране носятся банды неизвестных громил, которых не трогает милицыя и КГБ. После этого разные Петкевичи будут говорить о какой-то законности и порядочности власти в РБ!?
0
ПЯтро / Адказаць
17.02.2010 / 17:27
Калі ласка, спадарове, пачытайце 11 кніжку "Бел.кнігазбору".... Пра тое, што мы тут гамонім, К.Чорны пісаў яшчэ ў 1944... Там ёсць цудоўная верся Язэпа Янушкевіча..... Паляк - ён і ёсьць паляк...
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру