Курс даляра ЗША ў Беларусі па выніках біржавых таргоў 19 лютага вырас на 9 рублёў і склаў 2.921 рубель, што з'яўляецца новым гістарычным максімумам.
Паводле звестак БВФБ, у таргах далярам удзельнічала 26 банкаў. Попыт амаль у сем разоў перавысіў прапанову. Аб'ём здзелак склаў 23 млн. 284 тыс. (попыт — 23 млн. 582 тыс., прапанова — 3 млн. 482 тыс.).
У таргах расійскім рублём удзельнічала 27 банкаў. Аб'ём здзелак склаў 332 млн. 562 тыс. (попыт — 352 млн. 61 тыс., прапанова — 332 млн. 562 тыс.), а курс вырас на 0,18 рубля і склаў 96,88 беларускага рубля за адзін расійскі.
У таргах еўра ўдзельнічала 28 банкаў. Аб'ём здзелак склаў 7 млн. 59 тыс. (попыт — 7 млн. 59 тыс., прапанова — 7 млн. 441 тыс.),
а курс знізіўся на 16 рублёў і склаў 3.934 рублі за еўра.
Адносна валютнага кошыка (даляр ЗША, еўра, расійскі рубель) беларускі рубель знізіўся на 0,03% у параўнанні з папярэднім значэннем: кошт кошыка склаў 1.036,44 рубля супраць 1.036,12 рубля днём раней.
З пачатку года курс беларускага рубля да валютнага кошыка знізіўся на 0,02%. Пры гэтым да даляра ЗША ён знізіўся на 2,03%, да расійскага рубля знізіўся на 2,35%, да еўра — умацаваўся на 4,18%.
На 2010 год калідор ваганняў курсу беларускага рубля адносна кошыка валют устаноўлены ў межах плюс/мінус 10%.
