19.02.2010 / 17:43

У межах Дня роднай мовы ў Мінску можна... 4

…19 лютага патанчыць, 20 лютага пагукаць вясну, 21 лютага напісаць дыктоўку, 24 лютага адсвяткаваць афіцыйна.

…19 лютага патанчыць

У пятніцу ад 18‑й да 23‑й гадзіны ў «Клубе 6_А» (Мінск, Партызанскі пр‑т, 6а) адбудзецца беларускамоўная дыскатэка для прагрэсіўнай моладзі і асобаў сталага веку. Мерапрыемства прысвечана творчасці Міхаіла Фінберга і ВІА «Бяседа».

Спецыяльныя госці вечарыны — DJ з Валожына Алеся Гагарына і вядучыя з Палесся пан Якубоўскі і Марына Андросенка. Наведвальнікаў таксама чакае нацыянальны стрыптыз «Беларускія косы» і экзотык‑шоу «Харошкі». Уваход каштуе 5 тыс. руб. Даведкі праз тэл.: (29) 857‑47‑39, (29) 863‑00‑00.

…20 лютага пагукаць вясну

Вясёлыя карагоды, спальванне пудзiла Зiмы, дужаннi i гульнi на паветры разам з этна фолк гуртом «Guda» адбудуцца ў суботу а 13‑й гадзіне. З блiнамi, традыцыйнай яечняй, спечанай на вогнiшчы, чакаюць гасцей у панi Яні. Запіс на мерапрыемства па тэл. (29) 669‑37‑31.

…21 лютага напісаць дыктоўку

Непасрэдна ў сам Дзень роднай мовы адбудзецца 3‑я агульнанацыянальная беларуская дыктоўка, якую арганізуюць Згуртаванне беларусаў свету «Бацькаўшчына» і Таварыства беларускай мовы. Збор удзельнікаў у 11.00 у памяшканні тэатра «Зніч», што знаходзіцца ў касцёле Святых Сымона і Алены (пл. Незалежнасці, 5).

У тым жа памяшканні у 13.00 адбудзецца прэзентацыя беларускамоўных выданняў: газетаў «Новы час» і «Наша слова», часопісаў «Верасень» і «Лідскі летапісец», Слоўніка беларускай мовы пад рэдакцыяй У.Завальнюка, а таксама новай кнігі Р.Барадуліна «Навошта».

…24 лютага адсвяткаваць афіцыйна

Святкаванне Дня роднай мовы ў ДК Мінскага трактарнага завода супольна ладзяць Беларускі дзяржаўны ўніверсітэт культуры і мастацтва і агульнанацыянальная кампанія «Будзьма беларусамі!». Святочны канцэрт пройдзе ў вялікім будынку ДК МТЗ, дзе будуць выступаць сучасныя беларускамоўныя калектывы і барды. Там таксама можна будзе паглядзець экспазіцыю фотаздымкаў на тэму «Беларусь па‑беларуску», а таксама даведацца шмат цікавых гістарычных фактаў пра беларускую мову. Святочны канцэрт распачнецца а 19‑й гадзіне па адрасе: вул.Даўгабродская, 24.

0
Aleg / Адказаць
20.02.2010 / 22:52
Дзякуй вялікі за расклад мерапрыемстваў у нашым гетта)
0
ГФ / Адказаць
20.02.2010 / 23:28
Вялики дзякуй арганізатарам. Вельмі грэе душу.
0
Димыч1 / Адказаць
21.02.2010 / 00:00
Нет чтобы по нашему, по белорусскому предложить народу в цивилизованных условиях, под музыку и танцы выпить и закусить. Так нет же, некоторые вражины предлагают писать дыктоуку. Тьфу.:)) "Страшно далеки они от народа"- ВИЛ "Памяти Герцена".:))
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру