22.02.2010 / 14:27

Кліўленд названы самым убогім горадам ЗША 5

Горад вядомы ў тым ліку тым, што там жыве шматлікая беларуская дыяспара, дзейнічае суполка БАЗА, ажно дзве праваслаўныя парафіі.

У ЗША было праведзена традыцыйнае апытанне, падчас якога ўдзельнікам інтэрнэт‑галасавання прапаноўвалася назваць самы «ўбогі» горад краіны. Абсалютную перамогу атрымаў Кліўленд,

у якім, дарэчы, жыве няслабая беларуская дыяспара, дзейнічае суполка БАЗА і нават цэлыя дзве беларускія парафіі праваслаўнай царквы.

У апытанні інтэрнэт‑рэсурсу бізнес‑выдання Forbes.com, удзельнікам апытання прапаноўвалася ацаніць якасць жыцця ў гарадах па розных паказчыках. Як высветлілася,

Кліўленд «перамог» практычна ва ўсіх намінацыях.

Рэспандэнты, у прыватнасці, палічылі, што менавіта ў гэтым горадзе самы высокі ўзровень беспрацоўя, найбольш неспрыяльны клімат, «грабежніцкія» падаткі і самая высокая інфляцыя; жахлівая карупцыя і ўзровень злачыннасці, а таксама самыя «безнадзейныя» спартыўныя каманды. Апошняе — досыць спрэчнае меркаванне: у НБА зараз «Кліўленд Кавальерс» з вялікім адрывам лідзіруе на Ўсходзе і наогул па стане на 21 лютага з’яўляецца найлепшай камандай ЗША, нават маючы на адну перамогу болей, чым «Лейкерс». У мінулым годзе «Кавальерз» таксама сталі найлепшай камандай Усходу ў рэгулярным чэмпіянаце, а ў плей‑оф дайшлі да фіналу канферэнцыі, дзе саступілі «Арланда». Што праўда, чэмпіёнам НБА «Кліўленд», заснаваны ў 1970‑м годзе, ні разу не быў.

Другое месца ў спісе «аўтсайдэраў» заняў Стоктан у штаце Каліфорнія, які ў мінулым годзе быў першым. У першую тройку таксама ўвайшоў Мэмфіс (штат Тэнесі), у якім былі адзначаны высокі ўзровень злачыннасці і карумпаванасьці чыноўнікаў. У ліку іншых гарадоў, у дзясятку ўвайшлі: Маямі, Сент‑Луіс, Бафала, Кэнтан, які таксама знаходзіцца як і Кліўленд у штаце Агаё, замыкае спіс Чыкага (таксама горад вядомы беларускімі, а больш польскімі этнічнымі арганізацыямі).

nn.by

0
МАГАДАН / Адказаць
22.02.2010 / 16:29
гэй, славяне!
0
Мікіта / Адказаць
22.02.2010 / 18:26
Мазахізм нейкі. Я пра гэты Кліўленд і ня ведаў ніколі
0
Slava / Адказаць
22.02.2010 / 19:43
Клiуленд называюць у шматлiкiх галiвудскiх фiльмах. Апытанне было сярод най2больш вядомых гарадоу.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру