Першы замежны візіт у статусе прэзідэнта Украіны Віктар Януковіч зробіць у Брусэль.
Візіт запланаваны на 1 сакавіка, і еўрапейскія лідэры ўжо пацвердзілі сваю згоду на сустрэчу з новым кіраўніком ўкраінскай дзяржавы.
Пра тое, што дата і папярэдняя праграма візіту Януковіча ў Брусэль ўзгодненыя, пацвердзілі 22 лютага адразу некалькі крыніц ў структурах ЕС. Януковіч мае сустрэцца з прэзідэнтам ЕС Херманам ван Рампеем, прэзідэнтам Еўракамісіі Жазэ Мануэлем Барозу і прэзідэнтам Еўрапарламента Ежы Бузекам.
Аднак афіцыйна аб паездцы Януковіча будзе абвешчана толькі пасля яго інаўгурацыі — да прывядзення Януковіча да прысягі ў Брусэлі не могуць называць яго паўнамоцным прэзідэнтам і гарантаваць яму сустрэчы такога высокага ўзроўню. Але неафіцыйную згоду на сустрэчу з украінскім лідэрам пацвердзілі усе вышэйзгаданыя еўрапейскія чыноўнікі.
Візіт новага ўкраінскага прэзідэнта ў Маскву адбудзецца пасля паездкі ў Брусэль — у першай дэкадзе сакавіка.
