У нашым Гродне ўсё модне
На Саборнай, напрыклад, вуліцы то столькі таўчэцца заўсёды народу, не маючы, відаць, нічога лепшага да работы, што калі патрэба здарыцца прайсці, то і людзям, і сабе паадбіваеш бакі.
Абакралі Папова на 40 тысяч
Галоўны трэнер беларускай біятлоннай зборнай Аляксандр Папоў кіраваў у аэрапорт, каб вылецець у Нарвегію, дзе беларусы 19‑га меліся ўзяць старт у чэмпіянаце свету. Выпраўляўся сп.Папоў не з пустымі рукамі — вёз на патрэбы каманды 40 000 даляраў, атрыманых у Міністэрстве спорту й турызму. Аднак гэтага трэнеру падалося малавата, дык ён вырашыў заскочыць у сувенірны аддзел ЦУМа. Торбачку з грашыма коўч не пакінуў у машыне, а захапіў з сабой у краму… Пра тое, што адбылося ў ЦУМе, мала каму вядома. Але кругленькая сума знікла. Шакаваны Папоў адразу ж пасля выяўлення прапажы падаў заяву ў Першамайскі РУУС. Тут жа гора‑скарбніка арыштавалі, але неўзабаве адпусцілі.
