Прэзідэнт Францыі Нікаля Сарказі прызнаў, што міжнародная супольнасць, уключаючы Францыю, зрабіла памылкі ў перыяд генацыду ў Руандзе ў 1994 годзе.

Падчас свайго візіту ў Руанду Сарказі заявіў, што Францыя і іншыя краіны павінны асэнсаваць тое, што перашкодзіла ім прадухіліць масавыя забойствы.

У лістападзе мінулага года Францыя і Руанда аднавілі дыпламатычныя сувязі, перарваныя ў 2006 годзе.

Руанда разарвала адносіны з Францыяй з‑за рашэння французскіх уладаў правесці расследаванне аб дачыненні некаторых палітыкаў да забойства папярэдніка Кагаме Хабьярымана.

Гібель прэзідэнта Руанды ў авіякатастрофе ў красавіку 1994 года лічыцца адпраўным пунктам крывавай разні,

калі этнічная група хуту знішчыла больш за 800 тыс. чалавек з народнасці тутсі і ўмераных хуту.

Руанда са свайго боку абвінавачвала французскія ўлады ў тым, што тыя ведалі пра меркаваны генацыд ды трэніравалі баевікоў з прадстаўнікоў народа хуту.

Хочаш падзяліцца важнай інфармацыяй ананімна і канфідэнцыйна?