27.02.2010 / 12:31

Прынцыповы гамяльчук дабіваецца ад ваенкамата позваў па-беларуску 12

Яўген Якавенка, якога прызываюць на тэрміновую ваенную службу, звярнуўся ў Канстытуцыйны суд у сувязі з адмовай ваенкамата даслаць позвы на беларускай мове.

Яўген Якавенка, якога прызываюць на тэрміновую ваенную службу, звярнуўся ў Канстытуцыйны суд у сувязі з адмовай ваенкамата даслаць позвы на беларускай мове.

Як паведаміў Якавенка, супрацоўнікі ваенкамата адмаўляюцца выдаваць прызыўніку позвы на беларускай мове, спасылаючыся на нейкі дакумент. Гамяльчанін просіць суд ідэнтыфікаваць гэты дакумент, а таксама ўнесці ў Міністэрства абароны прапанову аб недапушчальнасці ў далейшым парушэння артыкула 50 Канстытуцыі.

Таксама Якавенка падаў скаргу ў суд Савецкага раёна аб парушэнні ваенкаматам яго канстытуцыйнага права весці перапіску на беларускай мове. «Беларуская мова з’яўляецца не толькі дзяржаўнай, але і маёй роднай мовай, — сказаў Якавенка. — Лічу, што супрацоўнікі ваенкамата прынцыпова не жадаюць выконваць нормы Канстытуцыі і падаваць мне беларускамоўныя дакументы. Два гады таму ў выпадку з Дзмітрыем Жалезнічэнкам ваенкамат выдаў позву на беларускай мове. Значыць, тэхнічныя магчымасці ў ваенкамата для гэтага ёсць. Хутчэй за ўсё, гэты канфлікт выкліканы маім імкненнем дамагчыся праходжання альтэрнатыўнай цывільнай службы. Не ведаючы, як рэалізаваць маё права, ваенкамат спрабуе зрабіць з мяне парушальніка».

0
Крывіч / Адказаць
27.02.2010 / 14:58
Паважны учынак маладога Беларуса! Які даказвае стан акупацыйнай улады на Беларусі!
0
Лінгвіст / Адказаць
27.02.2010 / 16:11
Дзякуй, выправілі. - Рэд.
0
Алесь / Адказаць
27.02.2010 / 19:47
Яўген,калі пачалі грукаць,то рана ці позна-яны адчыняць....Прыклады з Гомельшчыны ёсць...Трымайцеся!!!
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру