31.08.2006 / 14:20

Адам Міхнік: Лукашэнку засталося нядоўга 7

Галоўны рэдактар уплывовай польскай "Газэты Выборчай" Адам Міхнік знаходзіцца цяпер у Кіеве, дзе 1 верасьня яму павінны ўручыць дыплём і мантыю ганаровага прафэсара Кіева-Магілянскай акадэміі.

Галоўны рэдактар уплывовай польскай "Газэты Выборчай" Адам Міхнік знаходзіцца цяпер у Кіеве, дзе 1 верасьня яму павінны ўручыць дыплём і мантыю ганаровага прафэсара Кіева-Магілянскай акадэміі.

Напярэдадні ён даў інтэрвію інтэрнэт-парталу "Всеукраинска экспертна мережа", падчас якога закрануў і беларускую тэматыку.

– Адам, карэспандэнта "Выборчай" Вацлава Радзівіновіча не акрэдытавала беларускае МЗС. Вас можна з гэтым павіншаваць?

– Канечне! Значыць, ён выдатна працуе. У Еўтушэнкі ёсьць верш "Казанскі ўнівэрсытэт", дзе сказана, што калі цябе пасадзілі ў турму, значыць, ёсьць цябе ацаніла. Калі ў Беларусі не акрэдытавалі журналіста, значыць, гэты журналіст сумленна выконвае свой абавязак.

– Пасьля Майдана Беларусь засталася адзінай дзяржавай у Эўропе, дзе не працуюць дэмакратычныя інстытуты. Ці доўга будзе гэта працягвацца?

– Ужо нядоўга. У 1995 г. я быў у Менску, там ішла нейкая блытаніна, галадалі дэпутаты. І Пётар Марцаў спытаў у мяне пра тое ж – ці доўга будзе кіраваць Лукашэнка.

Я сказаў яму: на жаль, доўга. Цяпер я магу сказаць адваротнае: на шчасьце, ужо ня доўга. Ён вычарпаў свой рэсурс і дастаў ужо нават Расею. Спадзяюся, што хутка "Выборча" пачне пісаць пра Беларусь як пра дэмакратычную дзяржаву.

АФ

0
panuryk / Адказаць
31.08.2006 / 14:30
"Выборчай" трэба аддаць належнае. Рэгулярна піша пра Беларусь, удзельнічае ў акцыях салідарнасьці. Наогул, трэба заснаваць нам прэмію для міжнародных СМІ за асьвятленьне падзей на Беларусі. "Gazeta" будзе першым пераможцам.
0
W. / Адказаць
31.08.2006 / 15:07
Наконт прэміі -- слушная ідэя!
0
Вавёркін / Адказаць
31.08.2006 / 15:43
Рanuryk, аддаю належнае. У вашай ідэі штосьці ёсьць. Можа НН магла б падумаць над гэтым? Быў бы вельмі клясны крок з боку НН.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру