04.03.2010 / 17:08

Палецкіс: Еўропа павінна сачыць за будаўніцтвам беларускай АЭС 2

Еўрапейская камісія павінна патрабаваць ад Мінска строгага выканання міжнародных стандартаў па будаўніцтву АЭС, калі з'яўляюцца сумненні ў бяспецы гэтага праекта,
лічыць літоўскі эўрапарлямэнтар Юстас Палецкіс, які працуе ў камітэце ЕП па ахове навакольнага асяроддзя, а таксама з'яўляецца членам дэлегацыі па сувязях з Беларуссю.

Прадстаўнік Літвы перакананы, што пытанне бяспекі будаўніцтва АЭС у Беларусі таксама з'яўляецца праблемай ЕС.

«Еўракамісія паабяцала ўважліва сачыць за рашэннямі па АЭС, а Літва абавязана аб гэтым пастаянна нагадваць Брусэлю» -- адзначыў еўрапарламентар.
Па словах Палецкіса, Літва павінна вынесці гэтае пытанне на абмеркаванне ў Брусэлі. «Забараніць або спыніць будаўніцтва АЭС у Беларусі іншая краіна і ЕС не мае права, але Орхуская канвенцыя і прылады адносінаў ЕС-Беларусь даюць магчымасць кантраляваць бяспеку пры праектаванні і будаўніцтве» -- адзначыў Ю.Палецкіс.

Орхуская канвенцыя абавязвае ўключыць грамадскасць у працэс прыняцця рашэння аб будаўніцтве такіх аб'ектаў, чаго ў Беларусі не адбылося, гаворыцца ў паведамленні еўрапарламентара. Палітык таксама адзначыў, што падчас сустрэч з прадстаўнікамі няўрадавых арганізацый Беларусі яму распавялі аб парушэнні міжнародных экалагічных нормаў на месцы будаўніцтва будучай АЭС. А вывучэнне ўздзеяння на навакольнае асяроддзе праводзілася павярхоўна.

Ю. Палецкіс таксама раскрытыкаваў арганізаваную Міністэрствам аховы навакольнага асяроддзя Літвы прэзентацыю вынікаў ацэнкі ўздзеяння на навакольнае асяроддзе Беларускай АЭС. Паводле яго слоў, Міністэрства не кіраваліся прынцыпамі Орхускай канвенцыі, згодна з якімі інфармацыя аб уздзеянні АЭС павінна быць даступнай і зразумелай. Ю. Палецкіс адзначыў, што грамадскасць шырока не інфармавалася аб гэтым мерапрыемстве, яно праходзіла ў непрыстасаваным для гэтага памяшканні, а пераклад быў няякасным. «Гэтая прэзентацыя, на жаль, мне чымсці нагадала мерапрыемства ў Астраўцы, у Беларусі» -- сказаў Ю. Палецкіс. Эўрапарлямэнтар працуе ў камітэце ЕП па ахове навакольнага асяроддзя, а таксама з'яўляецца членам дэлегацыі па сувязях з Беларуссю.

0
Scooter / Адказаць
04.03.2010 / 17:47
Я канешне супраць АЭС (любых), але чаму розныя летувіскія чыноўнікі і функцыянэры наяжджаюць толькі на БелАЭС, пры тым што зусім побач, у Калінінградзкай вобл. ужо пачалося будаўніцтва аналагічнай балтыйскай АЭС??? Што, на маскву наехаць слабо?
0
wint / Адказаць
04.03.2010 / 20:45
Так, Scooter. Гэта менавіта так. І гэта легка тлумачыцца.
Каб пакінуць каментар, калі ласка, актывуйце JavaScript у наладах свайго браўзеру