04.03.2010 / 17:38

Кадафі пакрыўдзіўся на кпіны і ўвёў эмбарга супраць Швейцарыі 3

Дзярдэпартамент ЗША высмеяў рашэнне лідэра Лівіі аб'явіць джыхад Швейцарыі

Лівія прыняла рашэнне ўвесці поўнае ганлёвае эмбарга супраць Швейцарыі. Краіна будзе шукаць альтэрнатыўных пастаўшчыкоў лекаў, а таксама медыцынскага і прамысловага абсталявання.

Пасля забароны на будаўніцтва мінарэтаў, прынятай у Швейцарыі, лідэр Лівіі Муамар Кадафі ў канцы лютага абвесціў джыхад супраць цэнтральнаеўрапейскай краіны.

Прадстаўнік Дзярждэпартамента ЗША дазволіў сабе пакпіць з ідэі, пасля чаго Кадафі вырашыў увесці эмбарга супраць Швейцарыі.

Адносіны краін былі напружанымі і раней. Так, Швейцарыя ўнесла Кадафі ў «чорны спіс» персон, якім забаронены ўезд на тэрыторыю краіны.

Лівійскі дыктатар адказаў з размахам — забараніў уезд у сваю краіну ўсім жыхарам краін Шэнгенскага пагаднення.

0
Літвін / Адказаць
04.03.2010 / 18:48
Ну вось табе. Пакпіў прадстаўнік Дзярждэпартамента ЗША, а санкцыі Кадафі ўвеў супраць Швейцарыі. Няма справядлівасці на свеце.
0
ABC / Адказаць
04.03.2010 / 20:30
@Літвін ЗША тут не пры чым. Проста аўтар НН, на вялікі жаль, бярэ інфармацыю з "савецкіх газэтаў", замест таго, каб зьвяртацца да ангельскамоўных крыніцаў. І мала таго, дык яшчэ і няўважліва чытае, бо ў Балтынфо напісна толькі, што Кадафі асудзіў выказваньні чыноўніка Дзярждэпу. Прычынай канфлікту стаўся арышт сынка Муамара ў Жэнэве, а ў якасьці падставы выкарыстаная нядаўняя забарона на будаўніцтва мінарэтаў.
0
Filifionka / Адказаць
05.03.2010 / 12:54
Ганібал Кадафі з жонкаю ў бэрнскім гатэлі зьбівалі сваіх служак, ужываючы і прас. Служак адратавалі паліцыянты. Ганібала-сынка швайцары пасадзілі, Муамар яго выкупіў. У якасьці помсты Муамар выкраў швайцарскага бізнэсоўца і ўпёк яго на 4 мес. у вельмі жорсткую турму. Ён стварыў альтэрнатыўную рэальнасьць у Лібіі, якая ніяк не карэлюе з рэальнасьцю швайцарскай. У мяне гэты Муамар вылікае вострую агіду, проста мэнтальнае атручваньне.
Каб пакінуць каментар, калі ласка, актывуйце JavaScript у наладах свайго браўзеру