06.03.2010 / 20:39

Рымашэўскі гатовы зняць сваю кандыдатуру на карысць адзінага кандыдата 17

Сустаршыня аргкамітэта па стварэнні партыі «Беларуская хрысціянская дэмакратыя» Віталь Рымашэўскі гатовы зняць сваю кандыдатуру для ўдзелу ў прэзідэнцкіх выбарах у выпадку вылучэння больш перспектыўнага прэтэндэнта ад дэмакратычных сіл. Пра гэта палітык заявіў увечары 5 сакавіка ў Мінску на сустрэчы з прадстаўнікамі грамадзянскай ініцыятывы «Рада беларускай інтэлігенцыі».
Паводле яго слоў, БХД ствараецца «як альтэрнатыва для барацьбы са злом у грамадстве, якое прысутнічае як ва ўладных, так і некаторых апазіцыйных структурах». Палітык згодны з неабходнасцю кансалідацыі дэмакратычных сіл і вылучэння адзінага кандыдата ад апазіцыі на выбарах кіраўніка дзяржавы.

Разам з тым, адзначыў ён, лідэры аргкамітэта па стварэнні БХД не згодны з мадэллю арганізацыі працы ў аб’яднаных дэмакратычных сілах, бо лічаць, што гэта структура павінна выступаць як кансультатыўны, а не надпартыйны орган, які прымае рашэнні, абавязковыя для ўсіх удзельнікаў АДС.

З’езд БХД вылучыў кандыдатуру Рымашэўскага для ўдзелу ў прэзідэнцкіх выбарах. «Аднак калі б сустаршыні аргкамітэта па стварэнні БХД Паўлу Севярынцу было 35 гадоў, то такім кандыдатам стаў бы, безумоўна, ён», — падкрэсліў палітык.

Рымашэўскі не лічыць сябе самым перспектыўным кандыдатам і адзначае, што аргкамітэт па стварэнні БХД гатовы да перамоў з лідэрамі апазіцыйных партый і рухаў па пытанні вылучэння адзінага кандыдата.

Ён мяркуе, што ўсе прэтэндэнты, чые імёны будуць разглядацца пры вызначэнні адзінага кандыдата на прэзідэнцкіх выбарах ад апазіцыі, павінны падпісацца пад абавязацельствам ні пры якіх умовах не выступаць за ўваходжанне Беларусі ў склад Расіі і ўвядзенне расійскага рубля, а таксама гарантаваць прыхільнасць дэмакратычным метадам кіравання.

Старшыня рады, педагог і кінарэжысёр Уладзімір Колас паведаміў, што ўдзельнікам наступнай сустрэчы будзе палітык Андрэй Саннікаў.

Хочаш падзяліцца важнай інфармацыяй ананімна і канфідэнцыйна?

0
Міхаліна / Адказаць
06.03.2010 / 22:01
Калі гэта не пустыя словы, Рымашэўскі заслугоўвае павагі. Няма нічога больш важнага, чым адзіны кандыдат ад апазіцыі. На жаль партыі, якія месцяцца на адной канапе, хутчэй за ўсё не падзяляюць гэтага пункту гледжання. Будзем спадзявацца, што адзіным кандыдатам будуць Саннікаў альбо Мілінкевіч. Можаце пачынаць кідаць у мяне цэгламі :) Я лічу, што абодва - маглі б перамагчы пры адпаведных умовах. Давайце разам іх ствараць. Кожны з іх будзе ў сто разоў лепшы для Беларусі, чым ППРБ, он жа Папаколлі ))
0
Стары / Адказаць
06.03.2010 / 22:37
...а цяпер заслухаем начальніка транспартнага цэху... "Ён мяркуе, што ўсе прэтэндэнты, чые імёны будуць разглядацца пры вызначэнні адзінага кандыдата на прэзідэнцкіх выбарах ад апазіцыі..." - кім разглядацца? Ад якой апазыцыі? Той, якую Рымашэўскі і да яго падобныя пляжаць як могуць?
0
Danik / Адказаць
06.03.2010 / 23:10
Пацан пришел к успеху.
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру