Дзве 21‑гадовыя магіляўчанкі, адна з якіх была раней судзімая за крадзеж, затрыманы па падазрэнні ў забойстве 31‑гадовай прадаўца магазіна прадпрыемства »АлВА‑Трэйд» на вуліцы Ушакова.
Пра гэта паведаміла старшы памочнік пракурора Магілёўскай вобласці Ала Кузняцова.
Злачынства было ўчынена 3 снежня 2009 года. Па гэтым факце пракуратурай Ленінскага раёна Магілёва была распачата справа па ч. 2 арт. 139 КК (забойства пры абцяжваючых абставінах). Затым для расследавання яе перадалі ў абласную пракуратуру.
Паводле слоў Алы Кузняцовай, следства ўстанавіла, што 3 снежня каля 21 гадзіны дзве маладыя жанчыныучынілі разбойны напад на прадаўца магазіна 1978 года нараджэння і нанёслі ёй множныя нажавыя раненні. Ад атрыманых ран жанчына памерла на месцы.
Злачынцы выкралі з касы магазіна каля 2,2 млн. рублёў, а таксама прадукты харчавання прыкладна на 100 тыс. рублёў.
Частка іх была знойдзена ў разарваным пакеце каля магазіна.
Падчас допыту падазроныя расказалі пра абставіны злачынства і пацвердзілі затым свае паказанні на месцы яго ўчынення.
Цяпер вырашаецца пытанне аб прыцягненні магіляўчанак да крымінальнай адказнасці і абранні ў дачыненні да іх меры стрымання.
