Самы нізкарослы чалавек у свеце — 21‑гадовы кітаец Хэ Пінгпінг раптоўна памёр у Італіі, куды ён прыехаў для ўдзелу ў папулярнай тэлеперадачы.
У час здымак Пінгпінг паскардзіўся на дрэннае самаадчуванне і боль у грудзях. У сувязі з гэтым ён быў шпіталізаваны ў аддзяленне інтэнсіўнай тэрапіі адной з клінік Рыма, дзе памёр у мінулыя выхадныя. Прычынай смерці стала спыненне сэрца, выкліканае шэрагам ускладненняў.
Па просьбе сваякоў, Пінгпінг будзе пахаваны на сваёй радзіме.
Хэ Пінгпінг нарадзіўся ў горадзе Уланьчабу (Унутраная Манголія) у 1988 годзе.
Пры нараджэнні яго рост быў меншы за далонь дарослага чалавека, а вага складала менш за 500 г. У дзяцінстве бацькі былі вымушаны карміць яго малаком праз тонкую саломінку, бо яго рот быў вельмі маленькім для ўжывання ежы. Хадзіць і гаварыць Пінгпінг пачаў толькі ў 3‑4 гады. У 18 гадоў яго рост спыніўся на 74,61 см, а вага — на 7 кг.
У сакавіку 2008 года Хэ Пінгпінг быў афіцыйна прызнаны самым нізкарослым чалавекам на Зямлі. Тады ж адпаведны запіс быў зроблены ў Кнізе рэкордаў Гінеса.
Цяпер чытаюць
Радыёвядучы расказаў пра ўнутраную кухню АНТ — і пра тое, як ператварыўся ў палітвязня2
Каментары