Вечарам 19 сакавіка Нацыянальны акадэмічны Вялікі тэатр оперы і балета Беларусі прэзентаваў мінчанам прэм’еру оперы Джузепе Вердзі «Набука». Яе пастаноўка з’яўляецца першай сумеснай работай тэатра і расійскага рэжысёра Міхаіла Панджавідзэ (Вялікі тэатр Расіі).

«Набука» — трэцяе і самае незвычайнае з 25 оперных твораў Вердзі. У аснову лібрэта пакладзена біблейская гісторыя пра Навухаданосара (па-італьянску — Набука) — вавілонскага цара, якога ў старажытнасці параўноўвалі з Цэзарам і Аляксандрам Македонскім.

У цяперашнім варыянце «Набука» знойдзены пункты, дзе гісторыя сутыкаецца з сучаснасцю. Паводле слоў Міхаіла Панджавідзэ, ён і яго калегі ставілі задачу сродкамі сучаснай машынерыі, відэапраекцыі і арыгінальнай сцэнічнай мовы наблізіць гэтую оперу да сучаснага, у асаблівасці да маладога, гледача.

Хочаш падзяліцца важнай інфармацыяй ананімна і канфідэнцыйна?