Культура88

«Глебаўка» без даху

Ідзе знос будынка Мінскага дзяржаўнага мастацкага вучылішча імя Глебава (вул.Хмяльніцкага, 5). Знікае адзін з адрасоў беларускай культуры канца ХХ стагоддзя.

Ідзе знос будынка Мастацкага вучылішча імя Глебава (вул. Хмяльніцкага, 5). Знікае адзін з адрасоў беларускай культуры канца ХХ стагоддзя. Піша Сяргей Харэўскі.

Яго паставілі яшчэ да вайны, увадначассе з першымі будынкамі Політэхнічнага інстытута. Па вайне там месціўся фінансава-эканамічны факультэт, пасля гандлёвы тэхнікум. А ў 1979-м сюды перабралася славутае мастацкае вучылішча.

«Глебаўка» была адной з самых аўтарытэтных мастацкіх школаў Беларусі. Тут вучыліся народныя мастакі Міхаіл Савіцкі і Ізраіль Басаў, Арлен Кашкурэвіч, Віктар Грамыка, Васіль Шаранговіч, Май Данцыг, Леанід Шчамялёў. І наступнае пакаленне — Адам Глобус і Уладзімер Сцяпан, Уладзімір Сіўчыкаў, Тодар Кашкурэвіч, Міхал Анемпадыстаў. У сутарэннях будынка рэпетавала легендарная «Мроя». А колькі выдатных творцаў было тут настаўнікамі — цяжка злічыць: Малішэўскі, Грамыка, Басалыга, Маркавец, Купава, Васюк, Маціевіч… Сюды прыязджалі вучыцца з усіх куткоў Беларусі, з Калінінграда і Смаленска, з Украіны і Літвы. Але й паступіць было няпроста. Конкурсы былі высокімі, не раўнуючы, у інстытут.

Мастацкая вучэльня была адным з наймацнейшых нацыянальных асяродкаў Мінску. Менавіта яе навучэнцы ў 1984 годзе, падчас знішчэння будынку першага мінскага тэатру выйшлі пратэставаць з расцяжкаю «Руйнуюць помнік беларускае культуры!». У кастрычніку 1985-га на будынку два навучэнцы — Уладзімер Макееў і Міхал Мірошнікаў — вывесілі на даху Глебаўкі нацыянальныя сцягі. Маладыя мастакі былі і сярод удзельнікаў першага «Гукання вясны» ў маі 1986-га.

Цяпер вучэльня адселеная з легендарнага будынка. У ім вядзецца, паводле дакументаў, рэканструкцыя. Пытанне — ці вернуць пасля будынак мастакам, якія ўжо другі год туляюцца немаведама дзе. Не дзіва: месца ў цэнтры горада казырнае, а з вучэльні, разумеюць чыноўнікі, вялікага «навару» не будзе…

Стары парк, некалі ўпрыгожаны скульптурамі, ператвораны ў будаўнічую пляцоўку. Рабочыя паляць вучнёўскія карціны, малюнкі, пілуюць дрэвы… Муры палацу, што перажылі вайну, дзе некалі былі й слёзы й смех, каханне й творчае трымценне, дзе здараліся сапраўдныя радасці і сапраўдныя трагедыі, ужо амаль разбураны. А разам з імі знікае й памяць пра тое, як паўставала, дужэла і змагалася нашае мастацтва.

Каментары8

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада

Усе навіны →
Усе навіны

Навальнічны фронт дабраўся да Мінска

Змерайце сваю талію і рост — гэтыя дзве лічбы шмат скажуць пра ваша здароўе

Урад вызначыўся з пераносам працоўных дзён у наступным годзе

Учора ў Мінску прапаў хлопчык, які не размаўляў

«Чаму ты адключыў рухавікі?» Папярэдні даклад аб катастрофе самалёта Air India выклікаў яшчэ больш спрэчак4

«Разам адкрывалі кантынент беларушчыны». Вінцук Вячорка згадаў пра Эдварда Зайкоўскага3

На Валыні разбіўся французскі знішчальнік Mirage4

Прэм'еру і спікеру Сейма Літвы прыпомнілі, што яны 17 гадоў таму ездзілі ў Беларусь6

«Гэтае гаўно трэба спыняць». Курс, Роўда, Лойка ды іншыя беларусы пра дыкпікі Стрыжака53

больш чытаных навін
больш лайканых навін

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада

Галоўнае
Усе навіны →

Заўвага:

 

 

 

 

Закрыць Паведаміць