02.04.2010 / 12:26

Тое, што доктар прапісаў! 2

Брытанскія распрацоўшчыкі прапануюць замест акуляраў і кантактных лінз усталёўваць адмысловае ветравое шкло, якое выконвае тыя самыя функцыі.

На здымку: гоншчык Том Чылтан, які ўсталяваў такое шкло на сваю машыну для спаборніцтваў.

Брытанскія распрацоўшчыкі прапануюць замест акуляраў і кантактных лінз усталёўваць адмысловае ветравое шкло, якое выконвае тыя самыя функцыі.

Шмат хто з нас мае тыя, ці іншыя зрокавыя недахопы. Шмат хто з нас кіруе аўтамабілям. І насіць за стырном акуляры і лінзы не тое што зручна, а проста абавязкова па законе!

Але прызнайцеся, кожнаму з нас можа трапіцца забыць акуляры дома. Застрахавацца ад падобнай недарэчнасці і забыць пра «акуляравыя праблемы» прапануе фірма Auto Windscreens з англійскага Чэстэрфілда.

Кампанія пільна даследавала асаблівасці ізгібаў і аптычныя ўласцівасці карэгуючых акуляраў ад блізарукасці. Вынікам стала вынаходніцтва, што і ветравому шклу можна задаць падобную крывізну. Такім чынам магчыма індывідуальна пад кожнага вырабіць ветравое шкло згодна з яго афтальмалагічным рэцэптам.

Брытанскае агенцтва YouGov праводзіла даследванне, у якім палова апытаных сказалі, што мусяць карыстацца акулярамі ці кантактнымі лінзамі, каб кіраваць машынай. З гэтай паловы пятай частка прызналася, што ім здаралася садзіцца за стырно без афтальмалагічных прыладаў. А кожны трэці з усіх апытаных нават не ведаў, што кіраваць «усляпую» — парушэнне закону!

«Аўтамабілі з новым шклом не толькі абароняць бяспеку і легальнасць «акуляраносцаў» на дарогах, але і патэнцыйна могуць прывесці да скарачэння колькасці крадзяжоў машын. Мы чакаем, што распрацоўка даб’ецца поспеху, і зараз працуем над біфакальным ветравым шклом», — распавядае Найджэл Дэвіс, дырэктар кампаніі па продажах і маркетынгу.

У камплекце з шклом ад кампаніі Auto Windscreens ідзе адмысловы набор для чысткі — шчотка і велічэзная сурветка.

0
Ігар зь Менску / Адказаць
02.04.2010 / 12:40
Нашто перадрукоўваць чужы першакрасавіцкі жарт 2 красавіка?
0
Slava / Адказаць
03.04.2010 / 11:36
Ігар зь Менску, НН толькi зараз гэты артыкул знайшла. Мне, калi ласка, -6 дыоптрыi на левае вока i -2 на правае. А, яшчэ у мяне асцiгматызм...
Каб пакінуць каментар, калі ласка, актывуйце JavaScript у наладах свайго браўзеру