02.04.2010 / 14:27

Міністр Куляшоў: «Целы жанчын расчлянілі на бытавой глебе» 3

Міністр унутраных спраў Беларусі Анатоль Куляшоў заяўляе, што забойствы ў Магілёве дзвюх жанчын з расчляненнем іх целаў учыненыя, хутчэй за ўсё, на бытавой глебе.

Міністр унутраных спраў Беларусі Анатоль Куляшоў заяўляе, што забойствы ў Магілёве дзвюх жанчын з расчляненнем іх целаў учыненыя, хутчэй за ўсё, на бытавой глебе.

Пра гэта паведамляюць афіцыйныя крыніцы. Паводле міністра, няма аб’ектыўных звестак пра тое, што злачынствы ўчыненыя серыйным забойцам ці маньякам.

«Забойствы насілі сітуацыйны характар. Або скандал, альбо п’янства, альбо высвятленне адносінаў на бытавой глебе. Цяпер праводзіцца комплекс аператыўна‑вышуковых і следчых мерапрыемстваў. Паводле звестак на другое красавіка, забітыя жанчыны ўстаноўленыя», — цытуюць Анатоля Куляшова афіцыйныя крыніцы.

На першае расчлянёнае, абезгалоўленае, без рук і галавы цела, загорнутае ў прасціну, людзі наткнуліся каля моста праз Дняпро, непадалёк ад магілёўскай вуліцы Фаціна, 23 сакавіка. Пазней салдаты знайшлі астатнія часткі цела. Следчыя ўстанавілі, што забілі жанчыну 1975 года нараджэння.

Другое расчлянёнае жаночае цела знайшла жыхарка вуліцы Фаціна ля дома № 6. Яно таксама было загорнутае ў прасціну.

Па фактах знойдзеных целаў абласная пракуратура распачала крымінальныя справы, аб’яднаныя ў адну вытворчасць.
Паводле адной з версіяў, забіць жанчын мог чалавек з псіхічнымі адхіленнямі. Абодва забойствы, сцвярджае старшы намеснік пракурора вобласці Ала Кузняцова, былі ўчыненыя ў адзін і той жа дзень і прыблізна ў адным і тым жа месцы.

0
Ігар / Адказаць
03.04.2010 / 08:25
Гэта не апазіцыю пужаць і штучныя абвінавачванні выстаўляць. На бытавой глебе трупы хаваюць, не пад мост кідаюць, але ў раку на дно з камянямі. Кажуць дргі труп бяз скуры быў, відавочна бытавуха.... Здаецца што й гэты раз знайсці злачынцу будзе па-за межамі магчымасцяў следчых. Але па паперам запішуць бытавуху, а план затрыманнямі апазіцыянераў і ператрусамі на офісах давядуць
0
Dzjadulja / Адказаць
05.04.2010 / 20:34
Гм... Раней паведамлялася, што аддзяленьне частак цела зроблена дасьведчана, то бок чалавекам, які мае ўяўленьне пра анатомію суставаў. «Паводле словаў работнікаў УУС Магілёўскага аблвыканкама, забойства не было падобна на бытавое – вельмі прафесійна забойца «апрацаваў» целы.» http://nn.by/?c=ar&i=36856
0
выпілі і закусілі / Адказаць
14.04.2010 / 21:05
думаю, што ўжо пераварылі ў страўнікаў свіх сябровак - бо іх яшчэ і ёлі
Каб пакінуць каментар, калі ласка, актывуйце JavaScript у наладах свайго браўзеру