07.04.2010 / 15:36

АНТ пачынае здымкі мастацкага фільма «Вітаўт» 15

Пакуль інфармацыя наконт таго, хто будзе рэжысёрам фільма, хто піша сцэнар і які бюджэт фільма, трымаецца ў сакрэце.

У чэрвені тэлеканал АНТ плануе пачаць здымкі мастацкага кінафільма «Вітаўт». Але пакуль інфармацыя наконт таго, хто будзе рэжысёрам фільма, хто піша сцэнар і які бюджэт фільма, трымаецца ў сакрэце.

Пра гэта паведаміў дырэктар здымачнай групы будучага фільма Павел Бондар «Праца вядзецца па падрыхтоўцы кінафільма такім жа чынам, як і на ўсіх паўнаметражных мастацкіх фільмах. Увесь комплекс паслуг аказваецца, праца вядзецца. Сцэнар знаходзіцца ў рабоце. Пакуль інфармацыя гэта не разгалошваецца. Калі канал быдзе гатовы яе агучыць, тады яны афіцыйна яе агучаць і апублікуюць».

Хто з беларускіх актораў будзе браць удзел у здымках фільма і ці будуць запрашацца расейскія зоркі, таксама пакуль не кажуць. Як нічога пакуль не вядома і наконт даты выхаду фільма на экран. У чым прычына такой сакрэтнасці, кіраўнік прэс‑службы АНТ Таццяна Курбат не патлумачыла.

Сцэнар прапаноўвалі напісаць Аляксандру Качану, вядомаму па працы над фільмамі «Акупацыя. Містэрыі» і «Масакра». Зараз Качан працуе над сцэнаром паводле рамана Караткевіча «Каласы пад сярпом тваім», і таму ад супрацоўніцтва з АНТ адмовіўся.

Еўрарадыё

0
Юра / Адказаць
07.04.2010 / 15:53
Навіна ні аб чым. Ні імя рэжысёра, ні сцэнара, ні грошаў, ні стужкі.
0
Інтэгратар / Адказаць
07.04.2010 / 16:26
Навіна шматабяцальная, інтрыгуе. Спадзяюся, з фільма мы даведаемся, як Вітаўт дбаў аб інтэграцыі з суседнім брацкім рускім народам, заклікаў да хаўрусу з ім украінцаў і сварыўся на палякаў за іх каталіцызм. А жамойтаў ды латгалаў розных агнём і мячом гнаў ва ўлонне адзінай і непарушнай нашай Русі.
0
Сьцяпан / Адказаць
07.04.2010 / 16:43
Падаецца, што АНТ больш даспадобы будзе здымаць пра Вітаўтаса з Вільнюса.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру