16.04.2010 / 17:13

Літва адмовілася Беларусь называць Belarus 103

Камісія па літоўскай мове, вывучыўшы меркаванне літоўскіх гісторыкаў, прыняла рашэнне пакінуць ранейшы варыянт — Baltarusija.

У Літве Беларусь не будуць называць Belarus. Такое рашэнне прыняла Дзяржаўная камісія па літоўскай мове, разгледзеўшы зварот МЗС Беларусі.

«Камісія па літоўскай мове, вывучыўшы меркаванне літоўскіх гісторыкаў, прыняла рашэнне пакінуць ранейшы варыянт — Baltarusija — нягледзячы на тое, што гэта спадчына савецкага часу», — сказала старшыня камісіі Ірэна Сметонене.

Па яе словах, беларускі бок «вельмі карэктна» цікавіўся, якім чынам назва Рэспублікі Беларусь магла б адбіцца ў літоўскай мове.

«Мы прынялі да ўвагі меркаванне гісторыкаў. Літоўскі інстытут гісторыі накіраваў нам свой ліст, у якім гаворыцца, што так, была калісьці Baltoji Rusia (Белая Русь), і што назва Baltarusija — гэта спадчына савецкіх часоў, але яна ўжо стала традыцыйнай. Іншы ліст прыйшоў з Віленскага універсітэта, у ім казалася, што большасць навукоўцаў факультэта гісторыі трымаюцца думкі, што немэтазгодна мяняць назву суседняй краіны і раяць працягваць называць яе Baltarusijos Respublika — скарочана Baltarusija. Мы з гэтым меркаваннем згодныя, усё‑такі без вялікай неабходнасці мяняць назву краіны не варта», — сказала І. Сметонене.

Застаецца таксама і традыцыйная назва Gudija.

Чытаць яшчэ:

Як Беларусь называюць у іншых краінах ды іншыя народы?.

0
Филалагиня / Адказаць
16.04.2010 / 17:57
...Застаецца таксама і традыцыйная назва Gudija... Gudas у перакладзе з литоускай "страшэнны". У беларускай мове ёсць слова з падобным корнем - жудасны. Такими вось жудасными истотами бачыли старажытныя жмудзины нашых старажытных продкау. Видаць, некали добра даставалася на арэхи литоуцам ад суседзяу! А тут яшчэ Аляксандр Рыгоравич,Вялики и ЖудАсны!:))Гисторыя працягваецца...:)
0
якім чынам назва магла б адбіцца / Адказаць
16.04.2010 / 18:10
Прыйшлося б Вільню аддаваць. не дачакаўшыся нашых танкаў :)
0
klv / Адказаць
16.04.2010 / 18:15
Расчаравалі летувісы...
Паказаць усе каментары/ 103 /
Каб пакінуць каментар, калі ласка, актывуйце JavaScript у наладах свайго браўзеру