У суботу, 17 красавіка, у Вашынгтоне прайшоў другі матч 1/8 фіналу Кубку Стэнлі (чвэрцьфінал Усходняй канферэнцыі Нацыянальнай хакейнай лігі). «Вашынгтон Кэпіталз», саступаючы ўвесь час у ліку, здолеў вырваць перамогу ў овертайме у «Манрэаль Канадыенс» – 6:5 (1:2, 1:2, 3:1, 1:0).
Другую, трэцюю і чацвертую шайбы «Манрэаля» закінуў беларускі форвард Андрэй Касціцын. Прычым пасля 3-й шайбы Андрэя клуб вёў 4:1, але не здолеў утрымаць перамогу.
Касціцын-старэйшы таксама асіставаў Томашу Плеканцу пры пятай шайбе.
Усяго Андрэй Касціцын сем разоў кінуў па варотах, з іх – пяць у створ. Правёў на пляцоўцы 15 хвілін 47 секундаў. Ягоны брат Сяргей правёў на пляцоўцы 9 хвілін 5 секундаў.
Андрэй Касціцын быў прызнаны другой зоркай у матчы.
Першай зоркай прызналі аўтара пераможнай шайбы ў гульні шведа Нікласа Бэкстрэма, трэцяй зоркай стаў Аляксандр Авечкін.
Лік у серыі зраўняўся – 1:1.
Наступныя два матчы пройдуць у Манрэалі – 19 і 21 красавіка. Пяты матч – 23 красавіка ў Вашынгтоне, потым, калі запатрабуецца, 26-га – у Манрэалі, 28-га – Вашынгтоне. Серыя ідзе да чатырох перамог адной з камандаў.
0
0
0
0
0
0
