27.04.2010 / 13:30

Былога дыктатара Панамы выслалі з ЗША ў Францыю 2

Былы кіраўнік Панамы 72‑гадовы Мануэль Антоніё Нар’ега быў у панядзелак экстрадаваны з ЗША ў Францыю

Нар’ега, які прыйшоў да ўлады ў 1983 годзе, спачатку лічыўся саюзнікам ЗША, але да канца 1980‑х ператварыў сваю невялікую краіну ў перавалачны пункт для калумбійскага какаіну.

У снежні 1989 у ходзе спецаперацыі ён быў арыштаваны ў Панаме амерыканскімі вайскоўцамі, вывезены ў ЗША і праз тры гады асуджаны ў Фларыдзе да 30 гадоў зняволення за ўдзел у наркагандлі.

Два гады таму Нар’ега быў датэрмінова вызвалены, але застаўся ў турме ў чаканні экстрадыцыі ў Францыю, дзе яго ў 1999 годзе завочна прысудзілі да 10 гадоў і грашовага штрафу за гандаль наркотыкамі і адмыванне грошай праз парыжскія банкі.

Федэральны суд Маямі прыняў рашэнне аб экстрадыцыі Нар’егі ў Францыю яшчэ 28 жніўня 2007 года, але яго адвакаты настойвалі на тым, што іх падабаронны, якому неўзабаве пасля вынясення прысуду быў дадзены ў ЗША статус ваеннапалоннага, не падлягае выдачы трэцім краінам і павінен быць адпраўлены ў Панаму.

Зрэшты, і гэта не палегчыла б лёс экс‑дыктатара, бо ў 1995 годзе Панамскі суд завочна прызнаў яго вінаватым ў палітычных забойствах і прысудзіў да 20 гадоў турмы.

0
wint / Адказаць
27.04.2010 / 14:34
Чаго ж тады ЗША не арыштоўваюць калюмбійскіх прэзідэнтаў? :) Там у Панаме, здаецца, інакш троху было. Нар'ега, былы агент ЦРУ, зусім "нагласьць згубіў" і ўявіў сабе, што Панамскі канал належыць Панаме. :) Пачаў грошы за яго з ЗША патрабаваць. Маўляў, краіна мы ці не краіна. Яму хутка патлумачылі ягонае месца. Падставай для інтэрвэнцыі стала, здаецца, згвалтаваньне трыма панамцамі жонкі амэрыканскага марпеха. А потым ужо наркотатрафік і астатняе рассказалі піплам. Вельмі на сытуацыю з Бакіевым падобна. Таксама "нагласьць згубіў". Расея хутка патлумачыла. Зараз і пра наркатрафік раскажуць і пра іньшую лабуду.
0
Якуб Лапатка / Адказаць
28.04.2010 / 16:18
Да таго штатаўцы расправіліся з прэзідэнтам Амарам Таррыхасам, якому таксама прыпісвалі наркагандаль, за тое, што менавіта ён, а не Нар'ега пачаў забіраць у янкесаў зону Панамскага канала. Але тут вырашылі праблему прасьцей: наладзілі "элегантную" авіякатастрофу. Да яе спрычыніўся і Нар'ега, які, аднак, стаўшы прэзідэнтам, працягваў палітыку выцісканьня Штатаў з зоны канала.Як бачыце, зь ім разборкі зацягнуліся. Каб была навука іншым энтузіястам незалежнасьці.
Каб пакінуць каментар, калі ласка, актывуйце JavaScript у наладах свайго браўзеру